2 Reyes 16:9 - Tayta Diosninchi Isquirbichishan

⁹ Chayno apachiptinmi Asiriapa raynenga ruwacushanno shamur washaran. Damasco siudäman aywar yaycuran. Nircur chay siudächo tiyajcunata prësu charircur aparan Kir siudäman. Rezintapis wañuchiran.

2 Reyes 16:9 ပူးပေါင်းရင်းမြစ်များ

2 Crónicas 16:4

Chayno ray Asa nishanta Ben-adadga auniran. Chaymi mandaj suldäruncunata pillyaj cacharan Israelcho caycaj siudäcunaman. Pillyarmi guechuran Ijón, Dan, Abel-maim siudäcunata. Neftalí trïbucho caj micuy churacuna siudäcunatapis llapanta guechuran.

2 Crónicas 28:21

Tayta Diospa Templunpitawan palasyunpita, mandajcunapa wasincunapita llapan alli caj cösacunata jorgurcur goycuptinpis Asiriapa raynenga manami cuyaparanchu.

2 Crónicas 28:5

Chaypitami Tayta Dios cachaycuran Siriapa rayninpa munayninman. Chaura Siria runacunaga binsir Judäcunata aypallata prësu aparan Damascuman. Chaynöpis Tayta Diosga Acazta cachaycuran Israelpa rayninpa munayninman. Chaura paycunataga binsiran.

Isaías 10:9

Nogaga charishcä Calno siudätapis Carquemis siudätanöllami; Hamat siudätapis Arfad siudätanöllami, Samaria siudäpis Damasco siudätanöllami.

Isaías 17:1

Damasco imano cananpäpis Tayta Dios ribilashanta Isaías cayno willacuran: «Damascuga mananami siudänachu canga. Aypalla ragällami ricaconga.

Isaías 22:6

Elam runacunaga lëchancunata maynami camaricusha. Paycunaga maynami carrëtancunacho wichasha, cawallun muntasha carcaycan. Kir runacunapis pillyar chapacuna escüduncunata aptashanami carcaycan.

Isaías 37:18

Tayta Dios rasunpami Asiriapa raynenga nasyuncunata ushar illgächisha.

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.

Isaías 9:10

«Adöbipita cajcuna juchucäcushami. Cananga ladrilluwannami jatarachishun. Shauya guerullawan tirantincuna casha captin, tunisha captin, noganchëga rucachir churashun sedru guerucunatana» nir.

Isaías 9:11

Chayno cashanpitami cay nasyunmanga Tayta Dios cachamusha fiyupa chiquejcunata. Quiquin Tayta Diosmi camacächisha magaj yaycamunanpäpis.

Amós 9:7

Tayta Dios caynömi nin: «Israelcuna, nogapäga llapaniquipis iwal-llami caycanqui gamcunapis Etiopía runacunapis. Imanömi gamcunata Egiptupita jorgamurä chaynömi Filistea runacunatapis Creta partipita jorgamurä. Aram runacunatapis Kir partipita jorgamurä.