2 Reyes 16:7 - Tayta Diosninchi Isquirbichishan

⁷ Chaura Acazga Asiriapa raynin Tiglat-pileserman cachata cachacuran cayno ninanpaj: «Nogaga gampa uywayniquinömi y juramintu wamrayquinömi caycä. Siria nasyunpa raynin y Israel nasyunpa rayninmi conträ ricacur magaycäman. Paycuna mana ushacächimänanpaj shamur salbaycamay tayta.»

2 Reyes 16:7 ပူးပေါင်းရင်းမြစ်များ

1 Reyes 20:4

Chaura Israelpa raynin niran: «Nishayquinömi tayta, llapan ima-aycapis, quiquëpis gampami caycä.»

2 Reyes 15:29

Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.

2 Reyes 18:7

Chaymi Tayta Diosga yanaparan. Ima rurashancunachöpis alliman churaran. Ezequiasga Asiriapa rayninpa contran jatariran. Chaymi Asiriapa raynintaga manana sirbirannachu.

1 Crónicas 5:26

Chaypitami Israelpa Tayta Diosnenga yarpayta goran Asiriapa raynin Pul nishan Tiglat-pileser jutiyojta Israelcunata prësu apananpaj. Chaura paynami prësu apachiran Rubén trïbuta, Gad trïbuta, pullan caj Manasés trïbutapis. Apar chayachiran: Halahman, Haborman, Haraman, Gozán mayupa ñaupanman. Canancamapis chayllachömi tiyarcaycan.

2 Crónicas 28:16

Chay wichan ray Acazga Asiriapa rayninman cachata cacharan «yanapämay» nir.

2 Crónicas 28:20

Asiriapa raynin Tiglat-pileser alli yanapänanpa ruquenga Acazta magaj aywaran.

Isaías 2:6

Tayta Dios, acrashayqui runacunachöga juc-läpita shamoj musyacojcunami juntasha caycan. Filistea runacunachönöpis brüjucunami juntasha caycan. Israelcunaga juc-lä runacunawanmi parlacurcaycan. Chayno captinmi gamga acrashayqui runacunata cachaycushcanqui.

Jeremías 13:21

Jerusalén runacuna ¿ima ninquiraj amïguyqui cananpaj quiquiquicuna ashishayqui runacuna mandashuptiqui? Chayrämi gueshyaj warmita nanay chariycaptinnöpis ñacanquipaj.

Jeremías 17:5

Tayta Dios nin: «Maldisyunädumi canga runa-masillanman yäracojcunaga. Maldisyunädumi canga callpallanman yäracojcunaga. Maldisyunädumi canga nogaman mana yäracamoj runaga.

Lamentaciones 4:17

Yanapämänanchïpaj yarpashpanchïmi shuyaraycanchi mana salbamänanchïpaj caj nasyunta. Shuyarar ricchacuycashallanami ñawinchïpis uticasha.

Ezequiel 16:28

Chayno pengaypaj ruraycarpis manami yamashcanquichu. Chaypa ruquenga Asiria runacunawanpis amistäta rurar cacushcanqui. Chaypis manami yamacarayquichu.

Ezequiel 23:12

Paypis ñañannömi fiyupa cuyacurcuran guërracho pillyay yachaj Asiria runacunata. Chay runacunaga caran capitancunalla, mandajcunalla, pillyajcuna cuyayllapaj röpan jatishalla; cawalluta muntasha purejcunalla, camaraj mösucunalla.

Ezequiel 23:5

«Aholaga nogapa maquëcho caycar mana rispitamashpan waynancunata fiyupa cuyacurcusha. Waynancunaga casha guërracho pillyayta yachaj Asiria runacuna,

Oseas 14:3

Asiria runacunaga manami salbamangapächu. Cawallucunawanpis pillyamanga manami aywashäcunachu. Quiquëcuna rurashätaga mananami imatapis ‹diosnë› nishänachu. Tayta Dios gamllami wacchacunatapis cuyapanqui» nir.

Oseas 7:11

Efraín runacunaga caycan upayasha caycaj palumanömi. Egipto runacunata ruwacun yanapänanpaj. Nircorga Asiriamanna aywan.