2 Reyes 15:30 - Tayta Diosninchi Isquirbichishan

³⁰ Chaura Elapa wamran Oseasga Pekapa contran jatariran. Chaymi yaycuycur wañuycachiran. Nircorga Oseasna ruquin ray caran. Chay caran Uziaspa wamran Jotam Judächo ishcay chunca (20) watana ray caycaptinmi.

2 Reyes 15:30 ပူးပေါင်းရင်းမြစ်များ

2 Reyes 15:10

Jabespa wamran Salum jutiyojmi Zacariaspa contran ricacuran. Chaymi Ibleam marcacho caycajta wañuycachiran. Nircorga ruquin Salumna ray caran.

2 Reyes 15:25

Quiquinpa juc mandaj suldärun caran Remaliaspa wamran Peka. Paymi Pekaiata chiquir contran ricacuran. Nircur pichga chunca (50) Galaad runacuna yanapaptin palasyu ruriman yaycur wañuycachiran. Nircur quiquin Pekana ray caran.

2 Reyes 15:29

Israelpa raynin Peka caycashan wichan aywar chayaran Asiriapa raynin Pul nishan Tiglat-pileser. Nircur charicurcuran Ijonta, Abel-bet-maacata, Janoata, Cedesta, Hazorta, Galaadta, Galileata, Neftalí runacuna tiyashantapis ushajpaj. Chay particho tiyajcunatana llapanta Asiriaman prësu aparan.

2 Reyes 15:31

Pekapa waquin willapan ima rurashancunapis isquirbiraycan Israelcunapa raynincunapa acta librunchömi.

2 Reyes 16:1

Remaliaspa wamran Peka chunca ganchisnin (17) watana ray caycaptin Jotampa wamran Acaz Judächo ray cayta gallaycuran.

2 Reyes 17:1

Chunca ishcaynin (12) watana Acaz Judäpa raynin caycaptin Elapa wamran Oseas Israelpa raynin cayta gallaycuran. Samariacho tiyar ray caran isgun wata.

2 Crónicas 28:16

Chay wichan ray Acazga Asiriapa rayninman cachata cacharan «yanapämay» nir.

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.

Isaías 8:6

«Nogaga cä Siloé ishtanquiman cuyuyllapa aywaycaj yacunömi. Chayno caycaptëmi cay Judá runacunaga disprisyamasha. Rezinwan Remaliaspa wamran mana alliman chayashanpitami cushicusha.

Oseas 10:15

Betel runacuna, mana allita rurashayquipita gamcunatapis chaynömi rurashunquipaj. Israelcunapa raynenga guërra gallaycushan öra rimir junajllanami wañongapaj.»

Oseas 10:3

Cananga cay runacuna cayno nenga: «Tayta Diosta mana rispitashanchïpitami rayninchïpis mana cannachu. Ichanga rayninchi carpis ¿imachöraj yanapämashwan?» nir.

Oseas 10:7

Samariataga illgächengami. Raynintapis apaconga cashpita yacu apacojnömi.