2 Reyes 13:14 - Tayta Diosninchi Isquirbichishan

¹⁴ Eliseoga fiyupa gueshyaycaran. Chay gueshyallanwannami wañuranpis. Gueshyaycaptin, Israelpa raynin Joasga watucoj aywaran. Chayar macallacurcur wagar niran: «¡Ay taytallau, tayta, gamga Israelcunapaj cashcanqui fiyupa munayniyoj suldäruncunanömi!»

2 Reyes 13:14 ပူးပေါင်းရင်းမြစ်များ

Génesis 48:1

Chaypita achca junajtaga Josëta willaran papänin gueshyaycashanta. Chaura Josëga ishcan wamranta Manasestawan Efrainta pushacurcur aywaran.

Génesis 49:33

Chayno llapan wamrancunata willapayta usharcur Israelga cämanman yapay wegucuycuran. Nircur wañucäcuran.

Génesis 50:1

Wañucäcuptin Josëga papäninpa cuerpunta macallacurcur wagashpan mucharan.

2 Reyes 13:12

Joás imata rurashanpis, ima willapancunapis, almiraypajcunata rurashanpis, Judäpa raynin Amasiaswan imano pillyashanpis isquirbiraycan Israelpa raynincunapa acta librunchömi.

2 Reyes 13:13

Joás wañuptin Israelpa raynincuna pamparashan Samariaman pampaycäriran. Chaypitaga ray caran Jeroboam jutiyojna.

2 Reyes 13:15

Eliseo niran: «Lëcha jitacunayquita y juc ishcay lëchantawan chariy.» Chaura rayga lëcha jitacunantawan lëchata chariran.

2 Reyes 2:12

Eliasta apacuptin Eliseoga gapararan: «¡Taytallau, tayta! ¡Israelcunapäga munayniyoj suldärucunanömi cashcanqui!» nir. Chaypitaga Eliasta manami imaypis ricarannachu. Eliseoga röpanta ishcayman callariran.

2 Reyes 20:1

Chay wichan ray Ezequiasga gueshyar pasaypana caycaran. Chaymi Amozpa wamran profëta Isaiasga watucoj aywaran. Chayaycur niran: «Tayta Diosga nin: ‹Gamga mananami allchacanquipänachu. Incargacuyna, tistamintucuyna› nir.»

2 Reyes 6:21

Chay suldärucunata ricar Israelpa raynenga Eliseota niran: «Tayta, ¿wañurachishächu?»

Salmos 12:1

Tayta Dios salbaycäramay ari. Gamman rasunpa yäracamojcunaga manami cannachu. Manami cannachu rasun cajta rimajcunapis.

Proverbios 11:11

Alli runacuna bindisyunta goptenga marca jatunyanmi. Fiyu runacunapa shiminwanmi ichanga marca ushacan.

Isaías 57:1

Alli runacuna wañuptin paypäga pipis manami imapis gocunchu. Tayta Diosta sirbej runacunapis wañucur mananami mana alli ruraycunata ricannachu. Tayta Dios chayno shuntacuycashanta manami pipis tantiyanchu.

Ezequiel 14:14

Chay nasyuncho Noé, Daniel, Job tiyashpanpis paycuna quimsallanmi salbacunman alli runa cayninpa. Noga Tayta Diosmi chayno në.

Ezequiel 22:30

«Chay runacunacho noga ashishcä juc runata paycunata mana illgächinäpaj faburnin nogawan parlananpaj. Ichanga pitapis manami tarishcächu.

Zacarías 1:5

Cananga ¿maytaj chay unay castayquicuna? Profëtacunapis wañushanami.

Marcos 6:20

Herodes michaptinmi mana puydiranchu. Herodesga nej «Juanga Diosta sirbej runami. Wañuchir juchayojmi cashaj» nir. Chaymi Juan willapashan shongunman mana tincuptinpis willapaptenga cushisha wiyaparaj.

Juan 11:3

Lázaro pasaypa gueshyaycaptin pañincuna cachata Jesusman cacharan: «Cuyay amïguyqui Lazarumi fiyupa gueshyaycan, tayta» nir willananpaj.

Hechos 13:36

«Änir Davidga Dios mandashannölla Israelcunapa raynin caran. Wañur ichanga ñaupa wañoj castancunawan tincoj aywacuran. Cuerpunpis ismur ushacaran.

Filipenses 2:26

Payga gamcunata llaquishunquimi. Gueshyashanta mayaycur llaquicushayquita musyarmi cananga llaquicuycan.