2 Pedro 3:10 - Tayta Diosninchi Isquirbichishan

¹⁰ Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.

2 Pedro 3:10 ပူးပေါင်းရင်းမြစ်များ

Salmos 102:26

Llapanmi chaycunapis illgangapaj. Gammi ichanga jinalla caycanquipaj. Llapan chaycunaga röpanömi ushacanga. Juc runa röpata rucacurejno gam rucachiptiquega rucachishami canga.

Salmos 46:6

Tayta Dios rimarcamuptenga intëru nasyun runacunami gaparpan, mandajnincunapis sicsicyan. Cay pachapis wac-läpa cay-läpami rachicäcun.

Salmos 97:5

Cay pachapa duyñonga Tayta Diosmi. Paypa ñaupanchöga jircacunapis wacpa caypami gotucäcun sëra chulluycajnöraj.

Isaías 2:12

Chay junäga munayniyoj Tayta Dios manacajmanmi churanga alli-tucojcunata, llapan ollgojcunata, munayniyoj-tucojcunatapis.

Isaías 24:19

Cay pachaga fiyupa manchariypämi cuyurenga. Cuyurishpan ichic-ichiclla ruracäcongapaj.

Isaías 34:4

Syëlupis llapan chaycho caycajcunapis papil cauchucajnömi pitucäconga. Estrëllacunapis manana achicyar chaquisha öjanömi shicwacamonga.

Isaías 51:6

Syëlutapis ricäriy. Pachatapis ricäriy. Syëluga goshtaynöllami illgacäcongapaj. Allpapis röpa ushacajnöllami ushacangapaj. Runacunapis chuspicunanöllami wañongapaj. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshäpaj.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Joel 2:1

Sioncho trompëtata tucay-llapa. Tayta Dios acrashan rispitädu jircacho willacachiy musyananpaj. Judächo tiyaycajcunaga llapayqui manchariywan sicsicyay. Tayta Dios jusganan junäga chayaycämunnami.

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Joel 3:14

Chay Jusgana Pampachöga aypallami shuntacasha carcaycan. Chaynöga shuntacasha carcaycan Tayta Dios jusganan junaj chayamunanpaj wallcana pishiptinmi.

Amós 9:13

Tayta Diosmi nin: «Shamoj watacunachöga caynömi canga: murupacuy caycashan wichanpis jinallarämi rïgu cosëcha caycanga. Bïnupaj übas lluchcayta manaraj ushaptinpis rïgu murupacuyga maynami caycanga. Bïnu aypalla cashpanmi jircacunapa, patacunapa yacu aywajnöraj canga.

Amós 9:5

Munayniyoj Tayta Dios cay pachata yataycuptin cay pachaga chullucäcunmi. Imanömi Nilo mayupis achcayan y wallcayan, chaynömi cay pachapis jogaricangaraj ucrucangaraj. Chayno ruracaptin chaycho tiyajcunaga fiyupami waganga.

Miqueas 1:4

Pay lluchcashan cäga puntacunapis chullucäconga ninaman sërata churaycuptin chullucäcojnömi. Guechwa pampacunapis aypalla yacu aywar ragrarishannömi ragracäconga.

Nahúm 1:5

Payta ricashpanga puntacunapis sicsicyan. Paypa ñaupanchöga puntacunapis jurucäcunmi. Payta ricashpanga intëru cay mundumi mancharin. Cay pachapis, cay pachacho tiyajcunapis llaquicun.

Malaquías 4:5

«Masqui wiyamay: Shamunä junaj manaraj chayamuptin profëta Eliastami cachamoj-aywä. Chay junäga cangapaj fiyupa manchariypaj y jatun diyami.

Mateo 24:35

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Marcos 13:31

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlicanga.

Lucas 12:39

Ichanga cayta sumaj musyanquiman: Imay öra suwa yaycunantapis wasiyoj musyarga wasinta täpanmanmi. Ricchaycällarmi waranman suwa yaycunanta.

Romanos 8:20

Tayta Diosninchëga llapan camashancunatami maldisyunädu cananpaj niran, ichanga manami mana alli cashanpitachu. Maldisyunädu carpis

1 Corintios 1:8

Tayta Diosninchëga imaycamapis yanapäshunquipämi Jesucristo cutimunancama juchata mana ruranayquipaj. Chaynöpami pipis mana nishunquipächu «caytami wactami rurashcanqui» nir.

1 Corintios 5:5

chay runata Satanaspa munayninman cachaycuy chaycho ñacananpaj. Ñacashpanga capaschari wanaconga. Chayrämi Tayta Jesucristo cutimur shuntar salbanga.

2 Corintios 1:14

Waquinniquimi ichanga imano cashätapis musyaycanquina. Chaymi nogacunaga gamcunapaj sumaj cushicö. Chaynömi gamcunapis Taytanchi Jesucristo cutimuptin nogacunapaj sumaj cushicunquipaj.

1 Tesalonicenses 5:2

Gamcunaga musyanquinami suwa illajpita chacaypa shamushanno pay cutimunanpaj cashanta.

1 Tesalonicenses 5:4

Gamcunami ichanga mana chacajchönöchu carcaycanqui. Chaura Tayta Jesucristo suwano mana yarpashapita shamur camaricönita manami tarishunquipächu.

2 Pedro 3:11

Llapanpis ushacänanpaj caycaptenga ¿imanötaj cawashun? Juchata mana rurayllapa Diosninchi munashannöna cawashun.

2 Pedro 3:12

Cutimunanta shuyashpanchi Tayta Dios munashanno cawananpaj willacuyninta willacuycäshun. Chaynöpami Jesucristo juclla cutimonga. Cutimushan junajmi inti, quilla, goyllarcunapis ninawan ushacanga. Chaynömi llapanpis chulluycällar ushacanga.

2 Pedro 3:7

Canan wichanpaj Tayta Diosninchi rimasha carmi cay pachatapis janaj pachatapis caycächinraj. Ushacay junaj chayamuptinmi ichanga ninawanna llapanta usharenga. Chay junajmi juchata rurar cawaj runacunatapis usharengapaj.

Judas 1:6

Chaynöllami waquin anjilcunatapis castigaran Tayta Diosninchi mandashanta mana ruraptin. Chaymi chay anjilcunaga yanauyaycaj chacaycho wichgarpaycan fisyu chayamunancama.

Apocalipsis 16:15

Jesucristo niran: «Tantiyacuy. Mana yarpashayqui örami suwanöpis illajpita shamushaj. Cushishami canga allita ruraycar mayaj-mayajlla shuyarämajcunaga. Camaricöni caycajta gamcunata tariptë runacunapa ñaupancho garapächulla car pengacushayquinömi Tayta Diospa ñaupancho jusgashushayqui öra pasaypa pengacunquipaj.»

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.

Apocalipsis 21:1

Chaypitanami ricarä mushoj pachata, mushoj syëluta. Ñaupa caj pachapis, ñaupa caj syëlupis illgashana caran. Lamarpis mana carannachu.

Apocalipsis 3:3

Yarpay alli willacuyta yachacushayquita. Juchayquicunata cachaycur Tayta Dios munashannöna caway. Juchayquita mana cachaycuptiquega suwa shamojnömi illajpita shamushaj castiganäpaj.

Apocalipsis 6:14

Syëlupis papil cauchucäcojnömi pitucäcuran. Jircacuna, lamar chaupin tishgucunapis juc-läman witiran.