2 Pedro 2:12 - Tayta Diosninchi Isquirbichishan

¹² Llutan yachachicojcunaga animalcunano mana tantiyacoj carmi imatapis llutanta ruran. Animalcunano pishtacänallanpämi yurisha. Paycunaga mana allita ruraycashallanchömi ushacangapis.

2 Pedro 2:12 ပူးပေါင်းရင်းမြစ်များ

Salmos 49:10

Ricashanchïnöpis llapanmi wañun. Musyaj-yachajcunapis, upacunapis wañunmi. Llapan ima-aycanpis jucpänami quëdan.

Salmos 92:6

Chaymi mana tantiyacunchu llutan ruraj runacunaga.

Salmos 94:8

Mana tantiyacoj upa runacuna, ¿imanirtaj mana tantiyacunquichu? ¿Imaytaj tantiyacunquicuna?

Proverbios 14:32

Fiyu runataga quiquin rurashallanmi mana alliman chayachin. Alli runatami ichanga allita rurashanpita Tayta Dios chapanga.

Jeremías 10:21

Chaynöga caycan cay runacunapa mandajnincuna yarpayniynaj captinmi. Chay mandajcunaga Tayta Diosta manami wiyacushachu. Chaypitami castïgu chayasha. Cananga mandashan runacunapis mashtacashami carcaycan.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 12:3

Tayta Dios, gamga nogata rejsimanquimi. Ricamashpayqui musyanquimi gamllaman yäracamushäta. Chay runacunataga uyshata pishtananpaj apashanno shuntay ari. Nircur churay imay junaj wañunanpäpis.

Jeremías 4:22

Chaura Tayta Dios niran: «Acrashä runacunaga upa, mana tantiyacojmi. Manami rejsimanchu. Mana tantiyacoj yarpayniynaj wamräcunami. Allita ruraytaga manami yachanchu. Mana allita ruraytami ichanga fiyupa yachan.»

Jeremías 5:4

Nogaga yarparä: «Imatapis mana yachajcunallami yarpayniynajnöga ruran. Paycunallami mana musyanchu Tayta Dios munashanta, ni imano rurananpaj Tayta Dios mandashantapis.

Ezequiel 21:31

Rabyashä nina ratariycajno caycajtaga gamchömi päsachishaj. Chaymi gamcunataga cachaycushayquipaj fiyu runacunapa, illgächicojcunapa maquinman.

Marcos 7:22

majayoj caycar jucwan cacunanpaj, yargaj cananpaj, jucpa contran mana allita rurananpaj, engañananpaj, bisyucunallaman yarparänanpaj, jucpa imantapis munapänanpaj, washa rima cananpaj, alli-tucunanpaj, mana tantiyacoj cananpaj.

Juan 8:21

Jesús yapay niran: «Nogaga aywacömi. Gamcunaga ashimanquipämi. Gamcunaga juchallayquichömi wañunquipaj. Chaymi noga aywashämanga gamcuna mana chayanquipächu.»

Gálatas 6:8

Juchata rurajcunaga juchanpitami castïguta chasquenga. Espíritu Santu munashanno cawajcunami ichanga Tayta Diospa ñaupanman chayanga.

Colosenses 2:22

Paycunaga chayno yacharcaycächin yarpaynincunallapitami. Chay yachachishancunaga päsajllami.

2 Pedro 1:4

Imaypis yanapaycämänanchïpämi palabranchöpis aunimashcanchi. Chaymi yanapämashcanchi juchasapa runacuna mana allita rurar cawashanno manana cawananchïpaj, quiquin Tayta Dios munashanno cawananchïpaj. Chaynömi noganchïpis Tayta Diosninchi juchaynaj cashanno cananchïpaj yanapaycämanchi.

2 Pedro 2:19

Chayno llutanta yachachirmi nin «manami pipa munayninchöpis canchïchu» nir. Chayno nirpis quiquincunaga dyablutami sirbiycan. Musyashanchïnöpis runaga imatapis munashanpa sirbejninmi caycan.

Judas 1:10

Chay llutan yachachicojcunaga imata rimashantapis mana tantiyar pitapis manacajman churan. Paycunaga animalcunano mana tantiyacoj carmi imatapis llutanta ruran. Chaypitami paycunaga castigasha cangapaj.