2 Pedro 1:18 - Tayta Diosninchi Isquirbichishan

¹⁸ Chayno nimushantaga nogacunami wiyashcä rispitädu jircacho carcaycashpä.

2 Pedro 1:18 ပူးပေါင်းရင်းမြစ်များ

Éxodo 3:1

Moisesga suyrun Jetropa uyshancunatami michej. Jetroga caran Madián runacunapa cüranmi. Juc junaj Moisesga suyrunpa uyshancunata cabrancunata michej gatir chayachiran chunyajman. Chay chunyajcho caran Dioswan tincunan punta Horeb.

Éxodo 3:5

Niptin Dios niran: «Ama witimuychu. Llanguiquita jorguy. Caycashayqui pachaga fiyupa rispitädumi.»

Isaías 11:9

Jerusalenchöga mananami pipis mana allita ruranganachu. Imanömi lamarcho yacu juntan, chaynömi cay pachachöpis Tayta Diosta rispitaj runacunallana juntasha canga.

Isaías 56:7

Nogami pushamushaj rispitädu jircäman. Nircurmi aduramänan wasëcho cushishata goyächishaj. Paycuna altarnëcho garamashanta, uywacunata rupachishanta chasquishämi. Wasëpäga llapan runapis ‹Tayta Diosta mañacuna wasi› nengami.»

Zacarías 8:3

«Noga, Tayta Diosmi cayno në: Nogaga Sión lömacho caycaj Jerusalenmannami cutimushaj chaycho tiyanäpaj. Chaura Jerusalentaga runacuna nengapaj ‹Diosnin nishanta Cumlej› nir. Noga munayniyoj acrashä Sión lömapänami runacuna nengapaj ‹Rispitädu Löma› nir.

Mateo 17:6

Chayta wiyar disïpuluncunaga fiyupa manchacushpan pampaman lätacaycäriran.

Josué 5:15

Chaura Tayta Diospa suldäruncunapa mandajnenga niran: «Llanguiquita jorguy. Caycashayqui partiga fiyupa rispitädumi.» Chaura Josuëga llanguinta jorguran.