2 Pedro 1:13 - Tayta Diosninchi Isquirbichishan

¹³ Cawaycashäcamaga piñacuycäshayquimi alli cawanayquipaj.

2 Pedro 1:13 ပူးပေါင်းရင်းမြစ်များ

Isaías 38:12

Puñunä wasitapis guechumashpan uyshërucunapa chucllantanömi ushajpaj pascarcaycan. Noga cawashäga casha tilarcho awa pituraycajta awaj runa capturishannömi. Illajpitami usharamashcanqui.

Hageo 1:14

Chayno nishpanmi Tayta Diosga shacyächiran Judäpa gobernadornin Zorobabelta, cüracunapa mandajnin Josuëta, waquin runacunatapis. Chaypitaga ray Darío ishcay wata sojta quillanna mandaycaptin ishcay chunca chuscu (24) junajnincho gallaycäriran munayniyoj Tayta Diospa Templunta yapay jatarachiyta.

2 Corintios 5:8

Manami llaquicunchïchu. Chaypa ruquenga cay cuerputa cachariycurmi Tayta Dios cajman aywacushwan.

Filipenses 1:7

Nogaga rasun cajtami chayno niycä. Gamcunaga Jesucristupa willacuyninta willacur puriptë imaypis yanapämashcanquimi. Canan prësu caycaptëpis, autoridäcunapa ñaupancho chapacuptëpis yanapaycämanquimi. Chaymi cuyashpä gamcunapaj imaypis yarparaycä.

Filipenses 3:10

Chaymi Jesucristuta Tayta Diosninchi munayninwan cawarachimushanno chay munayninwan yanapämänanta noga munaycä Jesucristo cawashanno nogapis cawanäpaj. Nogata ñacachimaptinpis wañuchimaptinpis Jesucristunömi chasquicushaj.

2 Timoteo 1:6

Chaymi gamga ruray Tayta Diosninchi ruranayquipaj churashushayquita. Tayta Diosninchi chayno churashurayqui maquëta umayquiman churaycur payta mañacuptëmi.

Hebreos 13:3

Carsilcho caycajcunatapis ama gonganquichu quiquiquicuna carsilcho caycaj-japuy. Ñacajcunatapis cuyapanquiman quiquiquicunapis ñacaycho caycaj-japuy.

2 Pedro 1:12

Chaymi llapanta musyaycaptiquipis, rasun cajta riguir alli yäracuycaptiquipis simri yarpaycächishayqui yachachishäcunataga.

2 Pedro 1:14

Wallcanami wañunäpaj pishin. Tayta Jesucristo musyachimashanami wañunäpäna cashanta.

2 Pedro 3:1

Ermänucuna, cananwanga ishcay cutinami cartata gamcunaman apachimö. Ishcan cartächöpis willapaycä alli cawanayquita munarmi.