2 Crónicas 2:7 - Tayta Diosninchi Isquirbichishan

⁷ «Chaymi gamta ruwacö goripita, guellaypita, runsipita, fyërrupita rurayta yachajcunata, asul tëlapita, puca tëlapita, murädu tëlapita imatapis ruray yachajcunata cachamunayquipaj. Chay runaga imatapis tacaypami dibujanman. Cay Judá runacunacho, Jerusalencho caycaj piyunnëcunawan parlacurcur llapanta ruranga. Paycunataga papänë Davidmi mincacuran.

2 Crónicas 2:7 ပူးပေါင်းရင်းမြစ်များ

1 Reyes 10:11

Hirampa nigusyuta apaj büquinwanpis apamusha caran aypalla gorita Ofir partipita. Chaypitaga apamusha caran achca sándalo jutiyoj alli guerucunata, achicyaypa achicyaycaj rumicunatapis.

1 Reyes 7:14

Payga caran Neftalí trïbu biyüdapa wamran. Papäninna caran jinan Tiro runa runsi tacay yachaj. Hiramga fiyupa yacharan runsipita imatapis rurayta. Yarpaysapa caran. Chaynöpami ray Salomón cajman aywaycur ruraran llapanta.

Isaías 28:26

Diosmi tantiyachin imano murunanpäpis. Imano alli cashantapis musyachin.

Isaías 28:29

Chaytapis ruran munayniyoj Tayta Dios yarpayta goptinmi. Paypa yachachicuynenga almiraypämi. Pay yachaj cashanga manami imamanpis tincunchu.

Isaías 60:10

«Nogaga rabyacurcurmi gamta castigarä. Cananmi ichanga gamta cuyashäta musyachishayqui. Chaymi pergayquicuna juchusha caycajtapis juc-lä nasyun runacuna allchanga. Raynincunapis sirbishunquipaj.

Ezequiel 27:5

Senir jircapita pïno gueruta apaycamurmi cantuyquicunatapis intablasha. Tëla shucullpiqui warcuränanpaj ichiraj guerupäna apamusha Líbano jircacho caj sedrucunata.