2 Corintios 7:11 - Tayta Diosninchi Isquirbichishan

¹¹ Ima allishi Tayta Diosninchi llaquicuyman churashurayqui. Chaymi cananga chapacunayquipaj yarpachacuycanqui, conträ jatarej runapaj rabyarcaycanqui. Cananga manchapacushpayqui alli goyashäta mayarmi munaycanqui watucoj shamunäta. Conträ jatarej runapis castigacänantami munarcaycanqui. Chayno rurarmi gamcunaga musyachimashcanqui chay runata mana yanapashayquita.

2 Corintios 7:11 ပူးပေါင်းရင်းမြစ်များ

Nehemías 13:25

Chay runacunawan rimanacur paycunata «maldisyun chayashunqui» nirä. Waquintaga chay runacunata magarä. Ajchancunata achur-usharä. Firsapita jurachir nirä: «Warmi wamrayquicunata ama majachaychu juc-lä nasyun runacunawanga. Gamcunapis ni wamrayquicunapis paycunapa warmi wamrancunawanga ama majachacächunchu.

Job 42:6

Chaypitami cananga fiyupa pengacö. Chaymi arpinticö allpacho, uchpacho jamacushpä.»

Salmos 119:139

Nogaga fiyupami rabyä. Chiquimajcuna palabrayqui nishanno mana cumliptinmi rabyä.

Salmos 130:6

Nogaga ricaj ricajllami Tayta Diosta shuyaraycä. Täpapacojcuna pacha waränanta shuyarajpita masrämi shuyaraycä.

Salmos 145:19

Payta rispitajcuna imatapis mañacushantaga llapantami camacächin. Mañacuptin imapitapis salbanmi.

Salmos 2:11

Fiyupa rispitashpayqui aduray Tayta Diosta.

Salmos 35:13

Nogami ichanga paycuna gueshyaptinpis fiyupa llaquicoj cä. Gachga röpacunata jaticur ayunaj cä. Shongullächo mana cachaypa Tayta Diosta mañacuycaj cä.

Salmos 38:9

Tayta Dios, imata munaycashallätapis gamga musyanquimi. Llaquicuycashäcunapis manami pacaranchu.

Salmos 42:1

Lluychu yacunaypita aywaj yacuta ashiycajnömi nogapis gamtaga ashiycä Tayta Dios.

Salmos 69:9

Rispitädu wasiqui-raycuga imamanpis chayämanmi. Contrayquicuna ashllir imata nishushayquipis nogamanmi chayamasha.

Proverbios 14:16

Yachaj tantiyaj runaga ima mana allimanpis chayayta manchacurmi witicun. Mana tantiyacojcunatami ichanga imapis mana gocunchu.

Proverbios 28:14

Tayta Diosta imaypis rispitajcunaga cushishami goyanga. Tayta Diosta mana wiyacojcunami ichanga ñacayman chayanga.

Cantares 8:6

Nogataga mana gongaypa yarparämay. Ricrayquichöpis jutë chäpashano cachun mana gongamänayquipaj. Cuyanacuytaga wañuytano manami pipis chapanchu. Fiyupa munanacuypitapis sepultürapitano manami gueshpinchïchu. Cuyanacushanchëga Tayta Diospa ninannömi mana upinchu.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Isaías 66:2

Llapantapis nogami rurashcä. Chaynöpami llapanpis caycan.» Tayta Diosmi chayno nisha. «Chaypis nogaga cuyapar yanapä, pobri cajtami, llaquisha caycajtami, Noga nishäcunata manchapacur cumlejcunatami.

Daniel 6:14

Chayta wiyaycur rayga fiyupa llaquicuran. Chaymi Danielta imanöpapis salbayta munaran. Inti yaganancamami imanöpapis salbayta ashiycaran.

Marcos 3:5

Chaura Jesusga llapanta rabyasha ricapäriran. Chay runacuna mana tantiyacoj captinmi llaquicuran. Maquinta mana cuyuchej runatana niran: «Maquiquita jogariy.» Niptin maquinta jogariran. Chaura sänuna ricacuran.

Juan 2:17

Chaymi disïpuluncunaga yarpäriran Tayta Diospa palabrancho «Rispitädu wasiqui-jananga imamanpis chayämanmi» nir isquirbiraycashanta.

Hechos 17:16

Atenascho Silastawan Timoteota shuyar Pabloga ricapacur puriran. Aypalla ïdulucunata ricar fiyupa llaquicuran.

Romanos 11:20

Au, nishayquinöllami caycan. Paycunataga mana yäracushanpitami muturir wicaparisha. Gamcunapis yäracuyniquipami chay yöracho injertaraycanqui. Chaymi ama alabacuychu. Chaypa ruquenga Tayta Diosninchïta wiyacur caway.

Romanos 14:18

Chayno Jesucristuta sirberga Tayta Diosninchi munashantami ruraycanchi. Chayno cawashaga manami pipis jamurpämäshunchu.

Romanos 3:5

Capas gamcuna yarpanqui «noganchi juchasapa cashapis Tayta Diosga allimi ricamanchi» nir. Castigashuptiquina capas yarpanqui «Diosga fiyupa mana allitami ruraycan castigamashpanchi» nir. (Chayga runa yarpashallanmi.)

1 Corintios 12:25

Chayno Tayta Diosga churasha cuerpucho jucninpis-jucninpis yanapänacunanpämi; manami raquicänanpächu.

1 Corintios 5:2

Chayno caycaptenga ¿manachu pengacur llaquicunqui? Llaquicunayquipa ruquin gamcunaga alli-tucurcaycanquiraj. Chayno runataga ¿imanirtaj shuntacashayquipita mana gargurinquichu?

2 Corintios 13:7

Nogacunaga Tayta Diostami mañacö juchata mana ruranayquipaj. Chayno mañacuycä manami apóstol cashäta aunimänayquipächu, chaypa ruquenga Tayta Dios munashanno goyänayquipämi. Manami imananpischu apóstol cashäta conträcuna mana rejsimaptinpis.

2 Corintios 2:6

Chay runataga waquinniqui maynami castigashcanqui. Chaynöllana cacuchun.

2 Corintios 6:4

Chaypa ruquenga llapan rurashäcunachömi musyaycächë Tayta Diospa sirbejnin cashäta. Manami jagayächu ñacarpis, pishipacurpis, sasächicurpis,

2 Corintios 7:1

Cuyay ermänucuna, Tayta Diosninchi chayno niycämashaga juchata ama rurashunnachu. Payta rispitar manchapacushpanchïna goyäshun. Almay-cuerpu juchata mana ruraypa payllapäna cawashun ari.

2 Corintios 7:7

Manami Tito chayamushallanpitachu cushicushcä. Chaynöpis cushicushcä gamcuna cajpita Tito cushisha cutimuptin. Paymi willamasha gamcunaman watucoj shamunäta munaycashayquita y nogata shuyaycämashayquita, ima päsashanpitapis llaquisha caycashayquita. Chaura masrämi cushicushcäpis.

2 Corintios 7:9

Cananga fiyupami cushicö. Ichanga manami llaquicushayquipitachu cushicö. Chaypa ruquin cushicö chaycho llaquicur Tayta Diosman cutishayquipitami. Manami nogacunapitachu llaquicushcanqui. Gamcunaga llaquicushcanqui Tayta Dios munashannömi.

2 Corintios 9:2

Nogaga musyänami alli shongu cashayquita. Macedonia probinsyacho caycajcunatapis cushishami willapä «Acaya probinsyacho caj ermänucunaga ganyan watapita-pachanami ofrendata shuntaycan» nir. Chayta wiyarmi Macedonia ermänucunapis cushicusha.

Efesios 4:26

Rabyarpis jucha ruraymanga ama chayaychu. Rabyar-imarga chay junajlla ushacächinquiman.

Efesios 5:11

Tayta Diosta mana wiyacoj runacuna llutancunata ruraptinpis gamcunaga ama paycunano ruraynachu. Chaypa ruquenga llutan ruraycashanta tantiyachiy.

Filipenses 2:12

Cuyashä ermänucuna, chayno caycaptenga gamcunawan caycar yachachishäcunata wiyacushayquinölla canan carucho caycaptëpis mas wiyacamay. Salbashana cashayqui musyacänanpäga llapan shonguyquiwan Tayta Diosta manchapacur, rispitar caway-llapa.

1 Tesalonicenses 4:6

Ollgupis jucpa warminwanga y warmipis jucpa runanwanga ama cacuchunchu. Chaynöga ermänu-masiquita ama engañaychu. Gamcunata willashcänami chayno goyajcunataga Tayta Dios mana cuyapaypa castïguman gaycunanpaj cashanta.

1 Timoteo 5:20

Maygan mayur ermänupis jucha ruraycashanta mana cachariptenga llapanpa ñaupancho piñacuy waquinpis manchacur juchata mana rurananpaj.

2 Timoteo 2:15

Tayta Diosninchi alli ricashunayquipaj ima-aycanöpapis rasun caj willacuyninta sumaj yachachiy. Chayno captin uyway sumaj arusha car mana pengacushanno gampis manami pengacunquipächu.

Tito 3:8

Chay nishäcunaga llapanpis rasun cajmi. Chaymi nishäcunataga mana guellanaypa ermänucunata yachachiy. Chauraga sumajmi yarpachaconga Diosninchi munashanno allillata rurananpaj. Cay yachachishäcunaga llapan wiyacunanpaj allimi.

Hebreos 4:1

Tayta Diosninchïmi ichanga aunishanta jinalla shuyaraycächimanchi: «Alli jamaytami tarichishayqui» nir. Gamcunapis mana wiyacorga cuydä chay jamayta mana tarinquimanchu.

Santiago 3:17

Tayta Diosninchi yachayta goptinmi ichanga Tayta Dios munashanno goyan. Chauraga pï-maywanpis allimi goyan, cuyacunmi, alli shongumi, cuyapäcunmi. Manami ishcay quimsataga yarpanchu, manami janan shongullachu. Allillatami ruran.

1 Pedro 1:17

Gamcuna «taytä» nishayqui Tayta Diosga llapantami iwal rican. Payga llapan runatami jusganga imanöpis cawashanman-tupu. Chayno caycaptenga cay pachacho cawashayquicama Tayta Diosta rispitar caway.

1 Pedro 2:2

Chaypa ruquenga iti wamra pasaypa chuchunashanno gamcunapis Tayta Diospa palabranta yachacur caway. Chaynöpami yachacushun Tayta Dios munashanno alli cawanapaj.

Judas 1:23

Waquintaga tantiyachiy Jesucristuta chasquicur infiernuman mana gaycusha cananpaj. Waquintana cuyapashpayqui yaparir-yaparir tantiyachiy Jesucristuta chasquicunanpaj. Ichanga paycunawan shuntacarpis cuydä mala-mäñancunata yachacunquiman.

Apocalipsis 3:19

«Llutanta ruraptenga cuyashä cajta castigämi llutanta ruraycashanta cacharinanpaj. Chauraga arpinticur munashänöna goyay.