2 Corintios 6:11 - Tayta Diosninchi Isquirbichishan

¹¹ Corinto ermänucuna, imatapis mana pacaypami llapanta willapashcä. Llapan shongöwan cuyarmi willapaycä.

2 Corintios 6:11 ပူးပေါင်းရင်းမြစ်များ

Job 32:20

Parlarcuptërämi shongöpis achicyärenga. Gamtaga imanöpapis cutichishayquirämi.

Salmos 119:32

Shongöta cushicachiptiquimi mandamintuyquicunataga cushisha cumlë.

Salmos 51:15

Tayta Dios yarpayta gomay ari gamta alabanäpaj.

Isaías 60:5

Gam paycunata ricaptiqui cärayquipis cushicuypita achicyaypa achicyangaraj. Cushicuypita shonguyquipis ashac-ashacllaraj ricacongapaj. Lamarcho cajcunatapis fiyupa cuestajcunatami apapämushunquipaj. Nasyunnincunacho ima-aycanpis mas alli cajtami goycushunquipaj.

Ezequiel 33:22

Chay runa chayamunan chacaymi Tayta Diosga munayninta nogaman chayachimuran. Tutannin chay runa chayamuptenga Tayta Dios camacächiran rimayta yapay pashtachinäpaj. Chaypitaga mananami shimë läbacarannachu.

Habacuc 2:5

Caldea runacunaga alli chölu-tucoj runacunami. Paycunaga imatapis mana yarpachacuypami ruran. Mana jamaypami llutancunata ruran. Munayniyoj cashpanmi paycunaga juc nasyunman juc nasyunman aywan charicarcärinanpaj. Paycunaga wañuynöpis manami ushacanchu.

Hechos 18:1

Atenaspita aywacorga Corintuman Pablo chayaran.

Hechos 18:8

Sinagogacho mandäga caran Crispo jutiyoj runami. Paypis wasincho llapan tiyajcunawanmi Jesusman yäracuran. Corinto runacunapis yäracuran. Chaura yäracojcunataga llapantami Pablo bautisaran.

2 Corintios 12:15

Chaymi gamcunata willapänä-raycu imätapis ushashaj. Ushapacaypitaga manami llaquicöchu. ¿Chayno llapan shongöwan cuyapar yanapaycaptëchu gamcunaga nogapaj juc-nirajyasha caycanqui?

2 Corintios 2:4

Fiyupa yarpachacur, llaquicur wagashpärämi chay cartataga isquirbimurä. Ichanga manami llaquicunayquipächu cartacamurä, chaypa ruquenga gamcunata fiyupa cuyashäta musyanayquipämi.

Gálatas 3:1

¡Mana tantiyacoj Galacia runacuna! Noganchi-raycu Jesucristo cruscho wañushanta gamcunaga sumajmi musyarayqui. Chayno caycaptenga ¿pitaj gamcunata brüjushurayqui?

Gálatas 4:12

Ermänucuna, nogano cay ari. Nogapis gamcuna cajcho carga gamcunanömi cawarä. Gamcunaga allimi ricamarayqui.

Efesios 6:19

Nogapäpis Tayta Diosta mañacuy willacuyninta willacur mana manchacuypa pitapis willapänäpaj. Nogaga pï-maytapis willapaycä Tayta Diosninchi salbashantami.

Efesios 6:8

Gamcuna musyanquinami uyway carpis mana uyway carpis allita rurashanchïpita syëlucho Jesucristo premyuta gomänanchïpaj caycashanta.

Filipenses 1:8

Tayta Diosmi musyan gamcunata fiyupa cuyashäta. Jesucristo cuyamashanchïnöllami nogapis gamcunata cuyä.

Filipenses 4:15

Manami caycho captillächu yanapämashcanqui. Chaypa ruquenga Jesucristupa alli willacuyninta willacunäpaj Macedonia probinsyapita aywacuptëpis yanapämashcanquimi. Waquincuna mana yanapämaptinpis gamcunaga yanapämashcanquimi.

Apocalipsis 22:12

Jesucristupis nin: «Nogaga shamunäpänami caycä. Llapantami imatapis rurashanman-tupu premyunta goshaj.

1 Samuel 2:1

Tayta Diosta alabar Ana niran: «Tayta Dios, yanapämashayquipita llapan shongöpami cushicö. Gammi shacyächimanqui. Llapanchöpis yanapämaptiquimi jamurpämajcunapis mana asipämanganachu. ¡Cushishami caycä!