2 Corintios 2:7 - Tayta Diosninchi Isquirbichishan

⁷ Cananga perdunaycärir shacyächiyna. Fiyupa llaquishalla carga imamanpis chayanmanmi.

2 Corintios 2:7 ပူးပေါင်းရင်းမြစ်များ

Salmos 21:9

Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.

Salmos 57:3

Cuyapäcoj cashpayqui syëlupita-pacha yanapämay ari. Chiquimajcunapita salbaycamay ari. Selah Yanapaycamay ari.

Proverbios 1:12

Alli runacunataga illajpita illgarachishun, gueshya charir imanömi illajpita wañurachin, chayno.

Proverbios 17:22

Cushishalla goyajcunaga sänumi cawan. Llaquishalla goyajcunapami ichanga gänasnin imapäpis mana canchu.

Isaías 28:7

Cananga cüracunawan profëtacunapis machächicojcunata achcata upucurcushpanmi tuni-tuni purircaycan. Tayta Dios willapaycashan örapis tuniycacharcaycan. Dimandacojcunatapis machashami arriglaycan.

1 Corintios 15:54

Cay ushacajlla cuerpunchi mana ushacajman ticraptin y wañoj cashanchïpita mana wañuptinchïna Tayta Diosninchïpa palabran cayno nishan cumlenga: «Wañuyga manami cannachu. Wañuyga binsishanami caycan.

2 Corintios 2:8

Chaymi chay runataga alli ñawiquipana ricay-llapa. Cuyapäcoj cashayquitana musyachiy ari.

2 Corintios 5:4

Cay ushacajlla cuerpunchïwan cawar pasaypami llaquicunchi. Chayno car manami wañucuytachu yarpaycanchi. Chaypa ruquenga munanchi wañojlla cuerpunchi mana ushacaj cuerpuman ticranantami.

2 Corintios 7:10

Tayta Dios munashanno llaquicorga pipis arpinticunmi. Arpinticorga salbasyuntami tarin. Chayno salbasyunta tarishanchïpitaga manami llaquicunanchi canchu. Mana riguejcunami ichanga llaquicur wañuyman chayan.

Efesios 4:32

Chaypa ruquenga jucniqui-jucniquipis alli ricanacur caway. Tayta Diosninchi Jesucristu-raycu perdunashushayquinölla gamcunapis perdunanacuy.

Filipenses 2:27

Rasunpasi payga pasaypa wañuycarannami. Chayno caycajtanami Diosninchi cuyapar allchacächisha. Diosninchi nogatapis cuyapämasha jananman-jananman llaquicunäpita.

Colosenses 3:13

Jucniqui-jucniquipis pasinsacuy. Jagayächinacur-imarga perdunanacuy. Jesucristo perdunashushayquino perdunanacuy ari.

1 Tesalonicenses 4:13

Ermänucuna, wañurpis cawarimunanchïpaj cashanta musyanayquitami munä. Pipis wañuptin ima päsananpaj cashantapis mana musyarmi waquin runacunaga fiyupa llaquicun. Noganchëga paycunano ama llaquicushunchu.

2 Tesalonicenses 3:6

Ermänucuna, Tayta Jesucristupa jutinchömi gamcunata niycä: Guella ermänucunapita witicuy-llapa. Chay ermänucunaga manami yachachishänöchu cawaycan.