1 Timoteo 2:8 - Tayta Diosninchi Isquirbichishan

⁸ Shuntacashanchöga ollgu runacuna mana piwanpis rabyachinacusha car, mana nanaparänacorga maquinta jogarcur alli shongunpa Tayta Diosta mañacuchun.

1 Timoteo 2:8 ပူးပေါင်းရင်းမြစ်များ

1 Reyes 3:11

Chaymi niran: «Gamga manami mañacamashcanquichu unay-yaj cawanayquipäga, ima-aycayquipis cananpäga, chiquinacushayquicunapis wañunanpäga. Chaypa ruquenga mañacamashcanqui sumaj tantiyanayquipaj, alli mandanayquipämi.

Job 16:17

Chaynömi päsamasha imatapis mana ruraycaptë, llapan shongöpa mañacuycaptëpis.

Salmos 134:2

Maquiquita rispitädu wasin cajman jogarcur Tayta Diosta alabay.

Salmos 141:2

Mañacamushäga gam cajman chayamuchun insinsuno. Maquëta jogariraycämushäna cachun tardipa apamushä ofrendano.

Salmos 24:4

Chayangaga juchata mana ruraj cajllami, alli shongu cajllami, ïdulucunata mana aduraj cajllami, llullacuypa mana juraj cajllami.

Salmos 26:6

Maquëpis limyuna caycaptinnaga, juchäpitapis limyuna caycarga altarniquipa ñaupanmanmi chayayta munä.

Salmos 28:2

Mañacamuptë yanapaycamay ari. Rispitädu tiyanayquiman maquëta jogarir mañacamuptë wiyaycamay ari.

Salmos 35:13

Nogami ichanga paycuna gueshyaptinpis fiyupa llaquicoj cä. Gachga röpacunata jaticur ayunaj cä. Shongullächo mana cachaypa Tayta Diosta mañacuycaj cä.

Salmos 63:4

Cawashäyäga alabaycäshayquimi. Mañacushpäpis gamllamanmi maquëta jogarimushaj.

Salmos 66:18

Mana allita yarpashpä mañacuptëga Tayta Dios manami wiyamanmanchu caran.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Proverbios 21:27

Tayta Diosga melanäcunmi fiyu runacuna garashan sacrifisyuta. Mas piyur-rämi melanäcunpis yanapänan cashalla sacrifisyuta apapaptenga.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Mateo 21:21

Chaymi Jesús niran: «Sumaj wiyamay-llapa. Llapan shonguyquiwan Tayta Diosman yäracorga cay yörata chaquichishäpita mas almiraypaj milagrucunatarämi ruranquipaj. Tagay puntata ‹Caypita lamarman aywacuy› niptiquipis witicongami.

Mateo 5:44

«Chaypis nogaga caynömi në: Chiquishojcunatapis cuyay. Chiquishojcuna alli cawananpäpis Tayta Diosta mañacapay.

Mateo 6:12

Chiquimajcunata nogacuna perdunashäno jucha rurashäcunapita perdunaycallämay.

Lucas 23:34

[Chayno crusificaraycashan öra Jesús niran: «Papä, cay runacunata perdunaycuy. Manami musyanchu imata ruraycashantapis.»] Suldärucunanami surtita jitarcur-jitarcur Jesuspa röpancunata raquipänacuran.

Lucas 24:50

Chaypitana Jesús pusharan Jerusalenpita Betania läduman. Chaychöna maquinta jogarcur Tayta Diosta mañacuran paycunata yanapänanpaj.

Juan 4:21

Chaura Jesús niran: «Cananpitaga manami tagay puntachörächu, ni Jerusalenchöräpischu Diosta aduranquipaj.

Hechos 10:2

Cornelioga quiquinpis, wasincho goyajcunapis Tayta Dios munashanno cawaj. Israel runacunatapis achcanpa caridäta goycoj. Y Tayta Diosta imaypis mañacoj.

Hechos 10:31

Yuriparcamar nimasha: ‹Cornelio, mañacushayquita Tayta Diosga wiyashami. Pobricunata caridäta goshayquitapis ricashami.

Hechos 10:4

Chaura mancharisha ricapaycashancho niran: «¿Imata Tayta?» Anjilna niran: «Cornelio, mañacushayquita Tayta Dios wiyashami. Pobricunata caridäta goshayquitapis ricashami.

Hechos 21:5

Semänarcuptënaga ermänucuna warminwan-cama wamrancunawan-cama lamar cuchunyaj yan'gämaran. Gongurpaycärirna llapanë Tayta Diosta mañacurä.

Hechos 7:60

Gongurpacuycur sinchipa Esteban niran: «Tayta, cay runacunapa juchanta ama yarparaychu.» Chayno nircur wañucäcuran.

1 Corintios 7:7

Nogallapitaga allimi canman llapayquipis noganölla captiqui. Ichanga Tayta Diosninchïmi cada-ünunchïta yanapämanchi waquintaga majayoj cananpaj, waquintana majaynaj cananpaj.

2 Corintios 2:14

Tayta Diosta agradësicö. Paymi imaypis yanapaycäman Jesucristuwan llapanchöpis alli llojshinäpaj. Nogacuna willacuptëmi may-chaychöpis musyarcaycan alli willacuyninta. Chay willacuyga may-chaymanpis chayaycan insinsupa alli asyayninnörämi.

Filipenses 1:12

Ermänucuna, carsilman apamashanpitami Tayta Diosninchïpa willacuynenga masta mashtacaycan.

1 Tesalonicenses 1:8

Chaynömi gamcuna cajpitaga willacojcuna aywaycan may-chaychöpis Jesucristupa willacuyninta willacunanpaj. Chayno willacorga Diosninchïman gamcuna sumaj yäracushayquitapis willacuycanmi. Chaymi mana willapaptëpis runacuna musyaycanna Tayta Diosninchïman sumaj yäracuycashayquita.

1 Timoteo 5:14

Chaymi jipashllaraj caj biyüdacunaga majachacanman, wawayoj canman, wasi ruraynincunacho goyächun. Chayno captinmi contranchi cajcunaga mana jamurpämäshunnachu.

Tito 3:8

Chay nishäcunaga llapanpis rasun cajmi. Chaymi nishäcunataga mana guellanaypa ermänucunata yachachiy. Chauraga sumajmi yarpachaconga Diosninchi munashanno allillata rurananpaj. Cay yachachishäcunaga llapan wiyacunanpaj allimi.

Hebreos 10:22

Chaymi Tayta Diosninchïmanga llapan shongunchïwan guellicushun. Payman yäracunanchïpämi chuya yacuwan mayllajnöpis Tayta Jesús llapan juchanchïta perdunamashcanchi. Chaymi cananga bäñacushanöna caycanchi Tayta Diospa ñaupanman yaycunanchïpaj.

Santiago 4:8

Tayta Diosninchïman ayway-llapa. Chauraga paypis maquinchönami purichishunqui. Juchata rurasha carga arpinticuy. Tayta Diosninchïmanga llapan shonguyquiwanna yäracuy, ama janan shongullaga.

1 Pedro 3:7

Ollgu cajcuna, gamcunapis warmiquiwan sumaj tantiyanacur goyanquiman. Alli ricanquiman. Warmicunaga manami gamcunano callpayojchu. Chaypis warmi-ollgutami Tayta Diosninchëga salbamashcanchi. Warmiquiwan mana alli goyaptiquega mañacushayquitapis Tayta Dios manami wiyashunquichu.