1 Tesalonicenses 5:3 - Tayta Diosninchi Isquirbichishan

³ Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.

1 Tesalonicenses 5:3 ပူးပေါင်းရင်းမြစ်များ

Job 15:21

Paycunaga imapis gaparämojta wiyar fiyupa mancharin. Pipis mana yaycunancho caycaptinpis suwacunaga suwapanmi.

Job 24:23

Shongun yarpashanno runa goyäcunanpämi Tayta Diosga camacächin. Chaypis ricapaycanmi imata rurashallantapis.

Salmos 35:8

Quiquincunata illajpita mana alli chayachun. Toglla churashallanman quiquincuna watacächun. Mana allicunaman tunichun.

Salmos 48:6

Paycunataga pasaypa manchariy charicuycuran. Warmita gueshyacuy nanay charishannömi nanay charicuycuran.

Salmos 55:15

¡Chiquimajcunaga illajpita wañuchun! ¡Mana allillata rurashanpita cawaycajllatana pachapis micucurcuchun!

Salmos 69:22

Cananga quiquincuna alli micuyta micunanpaj shuntacashan cachun achäqui mana alliman chayananpaj.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Isaías 20:6

Lamar cantuncho tiyaj runacuna chay wichanga nengapaj: ‹Masqui ricay-llapa imanöshi caycan yäracushanchi runacunaga. Paycunamanmi aywaj canchi yanapämänanchïpaj, Asiriapa rayninpita salbamänanchïpaj. Cananga ¿imanöparaj salbacushun?› nir.»

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Isaías 47:11

Gammanga fiyupa disigrasyami chayamoj-aywan. Chay disigrasya imay cananpaj cashantapis manami musyanquipächu. Fiyupa mana alli chayashunayquipaj cajpitaga manami imanöpapis gueshpinquipächu. Mana yarpashayqui fiyupa mana allicunami illajpita chayashunquipaj.

Isaías 47:9

Ichanga illajpita juc junajllami disigrasyacuna chayashunquipaj: Wawaynajmi, biyüdami quëdanquipaj. Chay-jina brüju ruraj cashayquipis, majiquëru cashayquipis manami salbashunquipächu.

Isaías 56:12

Paycunaga nin: «Upyananchïpaj bïnuta, machächicojcunata ashej aywashun. Canan rurashanchïno warapis rurashun. Capas masllaräpis rurashun.»

Jeremías 13:21

Jerusalén runacuna ¿ima ninquiraj amïguyqui cananpaj quiquiquicuna ashishayqui runacuna mandashuptiqui? Chayrämi gueshyaj warmita nanay chariycaptinnöpis ñacanquipaj.

Jeremías 14:19

Tayta Dios, ¿fiyupachu rabyacurcushcanqui Judá runacunapäga? Sión siudätaga ¿mananachu ricaytapis munanquina? ¿Imanirtaj mana cuyapaypa mana alliman chayachimashcanqui? Nogacunaga allilla goyaytami yarpaycarä. Nishäga manami imapis alliga cashachu. Mana gueshyaypa cawaytami yarparäcuna. Nishäga fiyupa manchacuyllami casha.

Jeremías 22:23

Canan gamga, sedrupita rurasha wasichömi tiyaycanqui. Líbano Munti jutiyoj palasyuyquita rurarcachirmi gueshtachöno cushisha goyaycanqui. ¡Ichanga nanaycunawanrämi fiyupa ñacanquipaj! ¡Chayrämi canquipaj gueshyacunanpaj warmita nanay charishanno!»

Jeremías 4:31

Guechpa wawanta warmi gueshyacunanpaj nanaycho car gaparajno gaparpaycajtami wiyä. Sioncho tiyajcunami maquillan chojpasha gaparpaycan ‹¡Cananllapänachari caräpis! ¡Wañuchicojcunami wañuycachimanga!› nir.»

Jeremías 6:14

Paycunaga acrashä runacunapa dañäduntapis janan janallanmi jampin. Chayno rurarcorga ‹Alli goyay caycan, alli goyay caycan› nin. Rasunpaga mana alli goyayllami caycan.

Jeremías 6:24

«Willapatami mayashcanchi. Chayta wiyaycurmi manchariyllawan callpaynajnöna ricacushcanchi. Cananmi ichanga nanaycho caycaj warminöraj llaquicunchi, nanächicunchi.

Jeremías 8:11

Paycunaga acrashä runacuna nanächicushantapis yanga yangallami jampin. Chayno rurarmi «Alli goyay caycan, alli goyay caycan» nin. Rasunpaga mana alli goyayllami caycan.

Ezequiel 13:10

« ‹Paycunataga chayno päsanga acrashä runacunata «llapanpis allimi caycan» nir llullapashanpitami. Rasunpaga manami chaynöchu casha. Chay llulla profëtacunaga caycan tuninaycaj pergata jananpa iscuwan lajtashanöllami.

Oseas 13:13

Israelcuna, upami canqui. Yuriy-aypa caycaj wamra ticshu caycajnömi caycanqui. Yurinanpaj mana camacajnömi caycanqui.

Nahúm 1:10

Shiraca chaquir jiracasha caycajtanömi, chaquisha ogshata nina ushacurcojnömi usharenga.

Mateo 23:33

«¡Culebra casta runacuna! Infiernucho castigasha canayquipaj cajpita ¿imanöparaj salbacunqui?

Juan 16:21

Musyanchïmi nanay chariptin warmicuna llaquicushanta. Wamran yuriptinnami ichanga cushicur mana yarpannachu nanaywan gueshyacushantapis.

Hechos 13:41

« ‹¡Masqui ricay mana rispitacojcuna! Mancharir maypapis gueshpir aywacuy. Chay junaj fiyupa manchariypajcunata ruranäpämi caycä. Imano ruranäpaj caycajtapis willashuptiqui gamcunaga manami riguinquimanchu.› »

Deuteronomio 29:19

«Cay conträtuta chasquircur ama yarpaychu mana cumliptiquipis Tayta Dios mana castigashunayquipaj cashanta. Mana cumlerga juchayojmi canquipaj Tayta Dios llapayquita castigar ushacächishunayquipaj.

2 Tesalonicenses 1:9

Paycunaga munayniyoj Tayta Diospa ñaupanman manami chayangapächu. Chaypa ruquenga infiernuchömi imaycamapis ñacangapaj.

Hebreos 12:23

Tayta Diosman unay yäracojcunapa jutincunapis syëlucho apuntaraycashanmanmi chayashcanqui. Pï-maytapis jusgaj Tayta Diosninchïpa ñaupanmannami chayashcanqui. Pay munashanno cawaj runacunapa almanwanpis tincushcanquimi.

Hebreos 2:3

Chayno caycaptenga salbamajninchi Jesucristuta mana wiyacur ¿imanöparaj salbacushwan? Salbamänanchïpaj cashantaga quiquin Tayta Jesusmi rimëru willacusha. Nircurnami payta wiyajcunapis llapanta musyachimashcanchi.

2 Pedro 2:4

Mana wiyacoj anjilcunatapis Tayta Diosninchi manami perdunaranchu. Chaymi chay anjilcunataga infiernuman gaycur yanauyaycaj chacayman wichgaycuran fisyu junajcho jusganancama.

Jueces 8:11

Gedeonga aywaran chunyajpa Nobaman, Jogbehaman inti yagamunan caj-läpa aywaj nänipa. Nircur illajpita yaycapaycuran.