1 Tesalonicenses 5:18 - Tayta Diosninchi Isquirbichishan

¹⁸ Imapitapis Tayta Diosninchïta agradësicuy. Jesucristupa maquincho caycaptiquega chayno cawanayquitami Tayta Diosninchi munan.

1 Tesalonicenses 5:18 ပူးပေါင်းရင်းမြစ်များ

Job 1:21

Chaymi niran: «Cay pachachöga yurishcä jina röpaynajllami. Chaynöllami cay pachapitapis aywacushaj. Tayta Diosmi llapantapis tarichimaran. Paymi llapantapis guechumasha. ¡Tayta Diosga fiyupa alabasha cachun!»

Salmos 34:1

Tayta Diostaga imay örapis alabaycäshämi. Shimillächömi alabansacuna caycanga payta alabanäpäga.

Daniel 6:10

Mushoj layman ray firmashanta musyaycur Danielga wasinman aywacuran. Nircur puñunan cuartupa bentänacunata quicharan. Chay bentänacunaga caycaran Jerusalenman ricaraj. Nircur gongurpacuran Tayta Diosta mañacunanpaj, alabananpaj. Chaynöga cada junaj ruraj quimsa cutimi.

Efesios 5:20

Chaynölla ima captinpis Jesucristuman yäracur Tayta Diosninchïta agradësicuy.

Filipenses 4:6

Imapitapis ama llaquicunquinachu. Chaypa ruquenga Tayta Diosnillanchïta mañacuy yanapäshunayquipaj. Chaynöpis llapanpita payta agradësicuy.

Colosenses 3:17

Imata rurar, imata parlarpis Tayta Jesucristo munashannölla caway. Jesucristo salbashushayquipita imaypis Tayta Diosninchïta agradësicuy-llapa.

1 Tesalonicenses 4:3

Tayta Diosninchëga munan juchata mana ruraypa cawanayquitami. Manami munanchu pipis jucwan-jucwan cacunantaga.

Hebreos 13:15

Chaymi Jesucristuman yäracur Tayta Diosta imay örapis llapan shongunchïwan alabashun. Payta alabashanchëga alli caj ofrendami caycan.

1 Pedro 2:15

Autoridäcunata rispitar alli cawaptiquega Tayta Diosta mana wiyacojcuna manami contrayqui rimanganachu. Chayno cawanayquitami Tayta Diosninchi munan.

1 Pedro 4:2

Chaynöpami juchallata ruraj runacunanöga mana cawanquipänachu. Man'chäga Tayta Dios munashannöllanami cawanquipaj.

1 Juan 2:17

Cay pachaga ushacangami. Jucha ruraypis ushacangami. Tayta Dios munashanno cawajcunami ichanga mana ushacaj cawayta tarenga.