1 Tesalonicenses 2:18 - Tayta Diosninchi Isquirbichishan

¹⁸ Cutimuyta yarpar noga Pabloga achca cutimi cutimuyta munarä. Chaypis mana aywamunäpaj Satanasmi chapata churapämaran.

1 Tesalonicenses 2:18 ပူးပေါင်းရင်းမြစ်များ

Job 33:14

Diosga tucuynöpami willapämanchi. Ichanga noganchi mana cuentata gocunchïchu.

Mateo 4:10

Chaura Jesús niran: «Washata ayway Satanás. Tayta Diospa palabranchöga caynömi niycan: « ‹Tayta Diosllatami aduranqui, payllatami sirbinqui› nir.»

Romanos 1:13

Ermänucuna, achca cutimi gamcuna cajman rajacoj shamuyta munashcä. Shamuyta munarpis chapa captinmi mana puydishcächu. Juc marcacunacho willacuptë runacuna Jesucristuman yäracushanno gamcuna cajchöpis Jesucristuman yäracunanpämi willacuyta munaycä.

Romanos 15:22

May-chaypapis chayno willacur purirmi gamcuna cajman shamuyta manaraj puydërächu.

1 Corintios 16:21

Noga Pablo quiquëmi cay salüdötaga isquirbiycämö.

Filipenses 4:16

Tesalónica siudächo caycaptëpis yaparir yaparirmi nistashäcunata apachillämushcanqui.

Colosenses 4:18

Cay salüdötaga quiquënami isquirbimö. Gamcunaga mana gongayllapa Tayta Diosninchïta mañacuy prësu caycashäpita llojshinäpaj. Tayta Diosninchi llapayquita cuyapayculläshunqui. [Amén.]

2 Tesalonicenses 3:17

Cay cartata isquirbipämänanpaj nishänölla juc isquirbipämasha captinpis ushanantaga quiquënami isquirbircamö. Llapan cartacushäcunachöpis ushanantaga imaypis quiquëmi isquirbë.

Apocalipsis 2:10

«Gamcunaga ñacayta ama manchacuychu. Satanasmi waquinniquitaga carsilman jatichishunquipaj mayapäshunayquipaj. Chunca junajmi ñacanquipaj. Wañuchishunayquipaj caycaptinpis Tayta Diosman yäracuyta mana cachaycuptiquega mana ushacaj cawaytami goshayquipaj.