1 Samuel 28:5 - Tayta Diosninchi Isquirbichishan

⁵ Filistea runacunata ricar Saulga fiyupa manchariran. Shongunpis tic-ticyaran.

1 Samuel 28:5 ပူးပေါင်းရင်းမြစ်များ

Job 15:21

Paycunaga imapis gaparämojta wiyar fiyupa mancharin. Pipis mana yaycunancho caycaptinpis suwacunaga suwapanmi.

Job 18:11

Wacpita caypitami mancharachin. Imay örapis mancharishami gueshpin.

Salmos 73:19

¡Illajpitami ushacanga paycunaga! ¡Fiyupa mancharirmi ushacanga!

Proverbios 10:24

Fiyucunataga manchacushan cajrämi chayanga. Alli runacunami ichanga llapan yarpashanta tarenga.

Isaías 7:2

Ray Acazpa palasyunman willapata chayachiran «Siria runacunaga Efraín runacunawanmi parlacusha» nir. Chaura rayga llapan runacunawan mancharir sicsicyaran yöracuna wayrawan cuyuycajnöraj.

Daniel 5:6

rayga fiyupa manchariyllawan pasaypa yur'gacäcuran. Manchariyllawan sicsicyaycaran.

1 Samuel 28:4

Filistea runacunana shuntacarcärir pachacuran Sunem marcacho. Saulpis llapan Israelcunata shuntacurcur aywar Gilboa partiman chayaran.

1 Samuel 28:6

Chaymi Tayta Diosta tapucuran. Ichanga manana willarannachu suyñuyninchöpis ni Urim rumiwanpis ni profëtacunawanpis.