1 Samuel 24:9 - Tayta Diosninchi Isquirbichishan

⁹ Nircur niran: «Tayta ray, ¿imanirtaj runacuna ‹chiquishushpayquimi Davidga puriycan› nishushayquita riguinqui?

1 Samuel 24:9 ပူးပေါင်းရင်းမြစ်များ

Salmos 101:5

Bisïnunpa washanta pacayllapa parlaycajta nogaga piñacushämi. Manami awantächu ollgojcunatawan alli-tucojcunataga.

Salmos 141:6

Fiyu runacunapa mandajnincuna gagapita rumi paquicajno mana alliman chayar-rämi musyanga noga willapashäcunaga rasunpa cashanta.

Proverbios 16:28

Fiyu runacunaga imay örapis rimanacachiyllatami ashiycan. Washa-rimacunapis amïguncunatawan chiquinacachinmi.

Proverbios 17:4

Fiyu runaga llullacuna imata nishantapis wiyaj-wiyajllami caycan. Llulla runanami shimita juc goshancunata chasquin.

Proverbios 18:8

Washa-rimacunaga rimanpis mishquillarämi. Chasquipajpänami caycan shonguncama alli chayajnöraj.

Proverbios 25:23

Norte caj-läpita wayra wayrämuptinmi tamya chayamun. Runapa fiyu shiminpitami jagayächinacur chiquinacuypis chayamun.

Proverbios 26:28

Llulla runaga chiquirmi llullapan. Janan shongulla parlajcunaga pitapis mana allimanmi chayachin.

Proverbios 29:12

Llullacojcunapa shiminta juc mandaj chasquiptenga llapan yanapajnincunapis mana allita ruraj runacunallanami ricaconga.

Jeremías 37:18

Chayno nishpan ray Sedequiasta Jeremiaspis tapuran: «Tayta ray ¿imatataj gampa contrayqui mandajniquicunapa contran, Judá runacunapa contran rurashcä nogata carsilman wichgamänanpäga?

Levítico 19:16

Marcayquicho ama purinquichu runapa washanta rimar. Runa-masiquita wañuchinanpaj ama jitapanquichu. Noga Tayta Diosniquimi chayno në.

Santiago 3:6

Shiminchïpis shanshanömi caycan. Juchaman chayachimänanchïpäpis munayniyojmi. Quiquinchïtapis usharamashwanmi. Chay ninata noganchïcho ratarachëga caycan dyablumi.

1 Samuel 20:1

Ramächo caycaj Naiotpita David gueshpir aywacuran Jonatán cajman. Chayaycur niran: «¿Imatataj noga rurashcä? ¿Imataj juchä? ¿Imachötaj papäniquita ufindishcä wañuchiyta munamänanpäga?»

1 Samuel 20:41

Uywaynin aywacuriptin Davidga llojshimuran rumi goturaycashan wajtanpita. Jonatanpa ñaupanman gongurpacuycur umpuran urcunpis pampaman töpananyaj. Nircur ishcan macallanacurcur wagaran. Davidga Jonatanpita mas fiyupa wagaran.

1 Samuel 24:10

Cananga musyashcanquimi rasunpa gamta mana chiquishäta. Rasunpa chiquerga machayllachönachari wañurachëman caran. Tayta Diospis japallayquitami ñaupäman chayachimusha-cashunqui. Ichanga nishcä ‹Payga ray cayman chayasha Tayta Dios acrasha captinmi›.

1 Samuel 24:8

Guepantana Davidpis machaypita llojshirir gayacuran: «¡Tayta, tayta!» nir. Chaura Saulga ticrar ricäriran. Ricäriptin Davidga rispitar umpuran.

1 Samuel 26:18

Tayta, ¿imanirtaj gaticachämanqui? ¿Imatataj rurashcä? ¿Ima mana allitataj rurashcä?

1 Samuel 26:19

Wiyaycamay ari. Nogata chiquimänayquipaj Tayta Diosninchi camacächisha captenga ofrendayquitapis chasquichun. Chiquimänayquipaj runacunalla shimita gosha-cashuptiquega Tayta Diosninchi castigachun. Cananga gargamashcanquimi Tayta Dios acrashan chacrapitapis. Mana bälej dioscunata sirbinäpämi gargaycämanqui.