1 Samuel 18:21 - Tayta Diosninchi Isquirbichishan

²¹ Payga yarparan «Wamräta Davidwan majacharcushaj. Wamräna Filistea runacunapa munayninman cachayconga» nir. Chaymi yapay Davidta niran: «Cananmi ichanga rasunpa mashä canquipaj.»

1 Samuel 18:21 ပူးပေါင်းရင်းမြစ်များ

Salmos 38:12

Wañuchimayta munajcunaga togllatami churaparcaycäman. Mana allita ruramayta munamajcunaga illgächimaytami yarparcaycan. Imay örapis mana allita ruramayllatami yarpaycan.

Éxodo 10:7

Chaura faraonpa autoridänincuna niran: «Tayta faraón, ¿imaycamataj chay runata awantashun? ¿Gamga manachu tantiyacunquiraj cay Egiptucho ima-aycawanpis ushachimashanchïta? Jina Israelcunaga aywacuchun Tayta Diosninta rispitar adurananpaj.»

Proverbios 29:5

Imaypis amïgunta alabajcuna rasunpaga mana alliman chayachinallanpämi alaban.

Jeremías 5:26

Chaynöga caycan acrashä runacunacho fiyu runacuna captinmi. Chay fiyu runacunaga mishi pichiusata charinanpaj llupuyllapa aywajnömi runa-masinta watgapaycan. Trampata churarcaycan runa-masincunata charinanpaj.

Jeremías 9:8

Paycunapaga rimashancunapis wañuchicoj lëchanörämi. Engañacullarmi purircaycan. Janan shongullami amïguncunatapis alli parlapan. Shongullanchöga mana alliman jitarpunanpämi yarpapaycan.

1 Samuel 18:17

Saúl quiquin mana wañuchiyta munar «Filistea runacuna wañuchichun» nir yarparan. Chaymi juc junajcho Davidta Saúl niran: «Mayur caj wamrä Merabwan majachacay. Ichanga Tayta Diospa faburnin pillyay. Jinyu cay.»

1 Samuel 18:22

Chaypita Saúl uywaynincunata niran: «Gamcuna pacayllapa Davidta ninqui: ‹Ray amatar cuyashunqui. Mashan canayquitami munan. Uywaynincunapis rispitashunquimi› nir.»

1 Samuel 18:26

Saulpa uywaynincunaga ray nishanta willaran Davidta. Chaura Davidpis chaynöpa raypa mashan yaycunanpaj alli cashanta tantiyaran. Nishan junaj manaraj cumliptin