1 Samuel 17:24 - Tayta Diosninchi Isquirbichishan

²⁴ Chay runata ricärir Israelcunaga fiyupa manchariran. Chaymi gueshpir cuticaycäriran

1 Samuel 17:24 ပူးပေါင်းရင်းမြစ်များ

Isaías 30:17

Juc runalla manchachishuptillayquimi gamcunaga waranga gueshpinquipaj. Pichgaj runa manchachishuptiquega llapaniquimi gueshpinquipaj. Chaura wallcajllanami quëdanquipaj jircacho juc ishcaylla gueru ichiraycajno, man'chäga juc puytush lömacho señalpaj gueru jawishanöllana.»

Isaías 7:2

Ray Acazpa palasyunman willapata chayachiran «Siria runacunaga Efraín runacunawanmi parlacusha» nir. Chaura rayga llapan runacunawan mancharir sicsicyaran yöracuna wayrawan cuyuycajnöraj.

Levítico 26:36

«Contrayquicunapa nasyunnincho cawaycar quëdajcunataga fiyupami mancharachishaj. Chaymi jachapa öjan shicwaptillanpis gueshpinquipaj ‹sabliwan gaticachaycäman› nir. Pipis mana gaticachaycäshuptillayquimi gueshpir quiquillayqui tuninquipaj.

Números 13:33

Anacpita miraj jatusaj runacunatapis ricashcämi. Paycunapa ñaupanchöga ticsanöllami cashcä. Paycunapis ticsatanöllami ricamasha.»

Deuteronomio 32:30

¿Imanöpataj warangantin runacunata jucnaylla gaticachanman? ¿Imanöpataj chunca warangantin runacunata ishcajlla gaticachanman? Chayno captinpis Israelcunata chayno gaticachasha imapitapis chapaj Tayta Dios contrancunapa munayninman cachaycuptinnami.

1 Samuel 17:11

Filistea runa chayno niptin Saulpis suldäruncunapis manchariran. Balurnin mana carannachu.

1 Samuel 17:23

Wauguincunawan parlaycaptin illajpita llojshiraycamuran Gat siudächo tiyaj Filistea suldäru Goliat. Imaypis ashipashanno Israel suldärucunata achäquita ashiparan. Chayta David wiyaran.

1 Samuel 17:25

«¿Ricashcanquichu llojshimoj runata? ¡Israelcunataga achäquitami ashipaycämanchi! Tagay jatuncarayta binsejtaga rayshi wamranwan majachanga, ima-aycatapis gonga, famillyantapis impuestuta manana cobranganachu,» nir.