1 Samuel 16:21 - Tayta Diosninchi Isquirbichishan

²¹ Chaynöpami Davidga chayaran Saulman. Nircur payta sirbiran. Davidtaga Saúl amatar cuyarmi quiquinpa yanapajnin cananpaj churaran.

1 Samuel 16:21 ပူးပေါင်းရင်းမြစ်များ

Génesis 41:46

Carsilpita jorgurcur faraonpa ñaupanman pushashan öra Josëga caycaran quimsa chunca (30) watayoj. Faraón cajpita aywacur Josëga intëru Egiptupa puriyta gallaycuran.

1 Reyes 10:8

¡Ima cushisharaj warmiquicuna, sirbishojniquicuna goyan! Paycunaga imaypis ñaupayquichömi caycan fiyupa yachaj cayniquiwan parlashayquita wiyar.

Salmos 118:9

Munayniyoj runacunaman yäracunanchïpa ruquenga Tayta Diosninchïman yäracushun.

Salmos 146:3

Ama yäracuychu munayniyoj runacunamanga. Paycunaga runallami. Manami salbashunquipächu.

Salmos 62:9

Runacunaga ricayllanmi caycan. Llullacuynöpis yangallami caycan. Llapanta jucllacharcur balansacho pësaptin manami ni aycapis lasanmanchu.

Proverbios 22:29

Ima aruytapis yachaj bïbu runaga raypa palasyunchörämi aronga. Manami manacaj runacunapa munayninchöchu canga.

Deuteronomio 1:38

Ruquiquega chayanga Nunpa wamran imachöpis yanapäshoj Josuëmi. Payta sumaj shacyächiy Israelcunata chay nasyunta raquipänanpaj.

Deuteronomio 10:8

Chaychöna Leví trïbu runacunata Tayta Dios acraran conträtu babulta apananpaj, paypa ñaupancho sirbinanpaj, Tayta Diospa jutincho runacunata bindisyunta gonanpaj. Canancamapis chaynömi paycunaga ruraycan.

Jueces 9:54

Chaura Abimelecga armanta apapaj yanapajninta jinan öra gayarcur niran: «Tucsiramay. Manami munächu nogapaj ‹warmilla wañuchisha› ninanta.» Niptin yanapajnenga sablinwan tucsiriran. Abimelecga chaynömi wañuran.

1 Samuel 16:22

Saulna Isaïman cachacuran «David cayllachöna yanapämächun ari. Paywanga sumajmi yachänacö» nir.

1 Samuel 17:15

Saúl cajman aywaj, Belenman cutej papäninpa uyshancunata michej.

1 Samuel 17:55

David Filistea runawan pillyaj aywaycaptillanna Saulga suldäruncunapa mandajnin Abnerta tapuran: «¿Pitaj chay mösupa papänin?» nir.

1 Samuel 19:7

Chayno niptinrämi Jonatanga Davidta willaran imano parlashantapis. Nircurmi ichanga pusharan Saulman. Chaura Davidga yapay sirbiran Saulta rimëru sirbishanno.