1 Samuel 15:13 - Tayta Diosninchi Isquirbichishan

¹³ Chaura Samuelga aywaran Saúl cajman. Saulga niran: «Ima alliraj Tayta Dios pushaycamushunqui tayta. Pay nimashanta cumlishcänami.»

1 Samuel 15:13 ပူးပေါင်းရင်းမြစ်များ

Génesis 14:19

Nircur bindisyunta goshpan cayno niran: «Abram, janaj pachatapis cay pachatapis camaj munayniyoj Tayta Dios bindisyunta goycushunqui ari.

Génesis 3:12

Niptin runa niran: «Majäpaj apapämashayqui warmi macyamaptinmi micushcä, tayta.»

2 Samuel 2:5

Chaymi Jabes runacunaman cachacuran: «Tayta Dios bindisyunta goycärishunqui mandajniqui Saulta cuyapashpayqui alli pampaycärishayquipita.

Proverbios 27:2

Quiquiqui alabacuptiquega manami allichu. Juc runacuna gampaj alli parlar alabashuptiquimi ichanga alli.

Proverbios 28:13

Juchancunata pacajcunaga manami alliman chayangachu. Mana alli ruraycunata cachaycur juchancunapita perdunta mañacojcunami ichanga perdunasha canga.

Proverbios 30:13

Waquenga fiyupami munayniyoj-tucun. Chaymi waquin runataga manacajman churan.

Proverbios 31:31

Llapan runacunapa ñaupanchöpis paytaga alabay-llapa. Allita rurashancunapita fiyupa rispitasha caycullächun.

Lucas 17:10

Uywaycuna rurashanno ari gamcunapis Tayta Dios nishushayquicunata rurarcushpayquega ama shuyaraychu agradësicushunayquita. Chaypa ruquenga gamcuna ninqui: ‹Nogacunapis uywayllami caycä. Ruranäpaj nimashallayquitami rurashcäcuna› nir.»

Lucas 18:11

Fariseo cäga sumaj ichiycurshi Tayta Diosta cayno mañacusha: ‹Grasyas Tayta Dios. Gamta fiyupami agradësicö waquin runacunano mana cashäpita. Waquin runacunaga caycan suwami, fiyumi, pï-maywanpis cacojmi. Nogaga manami cächu tagay impuesto cobrajnöpis.

Jueces 17:2

Paymi juc cuticho mamanta niran: «¿Yarpaycanquichu waranga pachacnin (1,100) guellayniqui suwaj runata maldisyunashayquita? Nogami chay suwapäshoj runa caycä.» Chayno niptinmi maman niran: «¡Tayta Dios bindisyunninta goycushunqui ïju!»

Rut 3:10

Niptin Booz niran: «Tayta Dios bindisyunta goycushunqui. Cananga noga musyämi wañucoj runayquita rispitashayquita. Runataga maynami tarinquiman caran nogapita mas mösuta, rïcuta carpis, pobrita carpis. Ichanga rispitachicuyniquipami japallayqui cacushcanqui.

1 Samuel 13:10

Uywata rupachiyta ushaycaptin Samuel chayaran. Chaura Saulga aywaran saludananpaj jamachinanpaj.

1 Samuel 15:11

«Saulta ray churashäpita cananrämi pësacö. Payga nogata gongaycamasha. Nishäcunata mana cumlishachu.» Chaura Samuelga fiyupa rabyaran. Chay chacayga warayllata Tayta Diosta ruwacuran.

1 Samuel 15:20

Chaura Saúl niran: «Nogaga Tayta Dios nimashanta cumlishcämi. Prësu apamushcä Amalecpa raynin Agagtapis. Amalec runacunatapis ushajpämi illgächishcä.

1 Samuel 15:9

Ichanga Saulpis suldäruncunapis ray Agagta mana wañuchiranchu. Mana wañuchiranchu allinnin caj uyshacunata, wäcacunata, werannin caj besëracunatapis. Ima-aycatapis mana illgächiranchu allinnin cajtaga. Mana bälejcunallata llapantapis illgächiran.

1 Samuel 23:21

Chaura Saúl niran: «Nogata cuyapämashayquipita Tayta Dios yanapaycushunqui.

1 Samuel 25:14

Chaycama Nabalpa juc uywaynin aywaran Abigailta willaj: «Chunyajpita-pachami David cachamusha patrunnëwan amistäta ruraj. Payga fiyu shiminwanmi cutichisha.