1 Samuel 14:39 - Tayta Diosninchi Isquirbichishan

³⁹ Nogaga Israelcunata salbaj Tayta Diospa ñaupanchömi canan jurä. Wamrä Jonatanpis juchata rurasha carga wañuchun.» Suldärucunaga pipis mana imatapis rimacuranchu.

1 Samuel 14:39 ပူးပေါင်းရင်းမြစ်များ

2 Samuel 12:5

Chaura Davidga chay runapaj fiyupa rabyacuycuran. Chaymi Natanta niran: «Tayta Diospa jutinchömi jurä. Chayta rurajtaga pitapis wañuchinman.

2 Samuel 14:21

Chaymi rayga Joabta niran: «Joab, maynami yarpashayquita aunishcä. Chaymi cananga wamrä Absalonta cutichimuy.»

Eclesiastés 9:2

Imano captinpis llapantapis jucnayllami shuyaraycan: juchaynajta juchayojta, alli cajta fiyu cajta, limyu cajta ganra cajta, Diospaj churajta mana churajta, alli cajta juchayoj cajta, juraj cajcunata mana juraj cajcunatapis.

1 Samuel 14:24

Chay junaj Israelcunaga carcaycaran fiyupa uticasha. Pipis mana micuyta yawashachu caran. Saulmi jurashpan niran: «Chiquinacushäcunata ushajpaj manaraj wañuchiptë, manaraj tardiyaptin micoj cäga maldisyunädumi canga.»

1 Samuel 14:40

Chaymi Saulga llapan Israelcunata niran: «Gamcunaga caj läduman jurmacay, nogana wamrä Jonatanwan jucaj läduman.» Chaura llapan suldäruncuna «Nishayquino cachun» niran.

1 Samuel 14:44

Chaura Saúl sinchipa niran: «Jonatán, gam mana wañuptiquega Tayta Dios fiyupa castigamächun.»

1 Samuel 19:6

Jonatán niycashanta tantiyacurir Saulga niran: «Tayta Diospa jutinchömi jurä: Davidtaga manami wañuchishächu.»

1 Samuel 20:31

Cay pachacho David cawaycashanyäga gam, ni mandashayquipis manami yarpashayquinöchu canga. ¡Canan öra ashircachimur cayman apachimuy. Wañunanmi camacan!»

1 Samuel 22:16

Chaymi rayga rabyashpan niran: «¡Ahimelec, gamga rasunpami llapan famillyayquiwan wañunqui!»

1 Samuel 28:10

Niptin Saulga niran: «Tayta Diospa jutinchömi jurä. Gamtaga manami imapis päsashunquipächu.»