1 Samuel 12:21 - Tayta Diosninchi Isquirbichishan

²¹ Ama yäracunquichu ïdulucunamanga. Chaycunaga manami imachöpis yanapäshunquipächu, salbashunquipächu.

1 Samuel 12:21 ပူးပေါင်းရင်းမြစ်များ

2 Reyes 17:15

Tayta Diospa laynincunata manacajman churaran. Unay caj famillyancunawan parlacushancunata mana bälichir mana cäsuranchu. Willapashancunatapis mana wiyacuranchu. Mana bälejcunata «diosnë» nir aduraran. Chaynöpami Israelcunapis imapäpis mana bälejnöna ricacuran. Mana rurananpaj Tayta Dios nisha caycaptinpis ñaupan nasyun runacunano ruraran.

Isaías 41:29

¡Chay dioscunaga mayganpis manami imapischu! Imata ruraytapis manami camäpacunchu. Chaycunaga caycan runa rurashallan y mana-bälejcunallami.»

Isaías 45:20

«Juc nasyun runacunaga mana tantiyashpanmi guerupita rurasha ïduluncunata matancasha purichin. Mana salbananpaj caycaptinpis ‹diosnë› nir mañacun. Paycunatami në: Cawaycar quëdaj cajcunaga shuntacarcushpayqui shamuy-llapa.

Isaías 46:7

Rurapashantaga matancacarcärirmi apan. Nircorga jamaränanman churaycun. Chaychöga mana cuyucuypami cacun. Yanapänanpaj may-jina gayacuptinpis manami imachöpis yanapanchu. Ñacananpaj caycar fiyupa llaquicuycaptinpis manami pitapis salbanchu.

Jeremías 10:15

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 14:22

Juc dioscunaga manami mayganpis tamyata tamyachimunchu. Syëlupitapis quiquillanga manami tamyamunchu. Chaypa ruquenga gammi Tayta Dios tamyachimunqui. Ima-aycatapis gamllami camashcanqui. ¡Chaymi Tayta Dios gamllaman yäracaycämöcuna!

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 2:13

Acrashä runacunaga ishcay casta juchatami rurasha. Mana chaquej yacu pashtajno caycaptëpis Nogaman yäracaycämashanpita cachaycamasha. Y quiquincunami ïdulucunata adurasha sagra pösuncunata rurajno. Chay pösuncunaga yacuta manami juntachinchu.

Jeremías 2:5

Tayta Diosga gamcunapaj caynömi nin: «¿Ima mana allitataj rurashcä gamcunapa unay awiluyquicuna cachaycamänanpäga? Mana bälej dioscunata adurajmi aywacuran. Chaymi quiquincunapis mana bälejna ricacuran.

Jonás 2:8

Mana bälej ïdulucunata adurajcunaga gamta gongaycushurayquimi.

Jonás 2:9

Nogami ichanga charashäcunata gampaj churashpä alli shimëpa alabashayqui. Aunishätaga llapantami cumlishaj. ¡Tayta Diosllami salbacöga!»

Habacuc 2:18

«¡Ay imanöraj canqui ïduluta adurajcuna! Gamcunaga guerupita rurasha ïdulucunatami ‹ricchay› nircaycanqui. Imatapis mana rimacoj rumitami ‹jatariy› nircaycanqui. ¿Chaycuna imallataga willapäshunquichuraj? ¡Manami imatapis willapäshunquichu! Chaycunaga goriwan, guellaywan chapyasha carpis manami cawanchu. ¿Imapäraj bälinman runalla rurashan diosga? ¿Imapätaj alli canman imatapis mana yachachej jundisha ïduluga? Chay ïdulucunaga manami rimanchu. Chayno caycaptin chay ïduluta ruraj runaga ¿imanöparaj yäracunman chay ïdulucunamanga?

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

1 Corintios 8:4

Chauraga ïdulucunapaj churashan aychacunata micunapaj cashantana willapäshayqui. Musyashanchïnöpis ïdulucunaga manami cawanchu. Manami ima munayninpis canchu. Jucnayllami Tayta Diosninchëga.

Deuteronomio 11:16

Chayno caycaptenga cuydä pipis engañashushpayqui Tayta Diosta gongaycachishunquiman. Juc dioscunataga ama aduranquichu.

Deuteronomio 30:17

Canan willapashäcunata mana cumlir, juc dioscunata adurar gongurpacorga

Deuteronomio 32:21

Mana dios caycaptin juc dioscunata adurashpanmi rabyachiman. Manacaj ïdulucunata adurashpanmi rabyachiman. Nogapis paycunata rabyachishaj juc marca runacunawan. Mana tantiyacoj runacunawanmi rabyachishaj.