1 Reyes 9:4 - Tayta Diosninchi Isquirbichishan

⁴ Papäniqui Davidno ñaupächo alli goyaptiqui, alli shongu captiqui, juchata mana ruraptiqui, willapashäcunata llapanta cumliptiqui, laycunata wiyacuptiqui

1 Reyes 9:4 ပူးပေါင်းရင်းမြစ်များ

Génesis 17:1

Abram isgun chunca isgun (99) watayoj caycaptin Tayta Dios yuriparcur niran: «Nogami cä munayniyoj Dios. Noga munashänölla goyay. Mana allicunata ama ruraychu.

Génesis 20:5

Quiquin Abrahammi nimasha chay warmipäga pañin cashanta. Chaynömi warmipis nimasha paypäga turin cashanta. Chaymi nogaga llapantapis sumaj tapucachaycur pushachimushcä. Manami imatapis rurashcächu mana allitaga.»

2 Samuel 22:22

Nogaga Tayta Dios munashannöllami goyaycä. Juchata mana ruraypami imaypis gatirashcä.

1 Reyes 11:38

Noga nishäta gam llapanta wiyacamaptiqui, ñaupächo alli cawaptiqui, sirbimajnë Davidno laycunata, mandamintucunata cumliptiqui yanapäshayquimi. Davidpa wamrancuna mandananpaj churashänömi gampita mirar aywajcunalla mandananpaj churashäpaj. Israeltaga gampa maquiquimannami churashaj.

1 Reyes 11:4

Salomón auquinyaptinnaga chay warmincunami shacyächiran mana rasunpa caj dioscunaman yäracunanpaj. Manami papänin Davidnönachu llapan shongunpa Tayta Diosman yäracuran.

1 Reyes 11:6

Salomonga llutantana ruraran. Tayta Diosta mana wiyacurannachu. Manami papänin Davidnöchu Tayta Diosta rispitaran.

1 Reyes 14:8

Davidpita mirajcuna mana ushacaypa mandaj cananpaj caycajta Nogami guechushcä gamta goycunäpaj. Chayno alliman churaycaptëpis manami sirbimajnë Davidnöchu cashcanqui. Paymi ichanga llapan laynëcunata, mandamintöcunatapis cumliran. Llapan rurashancunapis alli caran noga ricaptë.

1 Reyes 15:5

Davidga Tayta Dios munashallantami rurasha caran. Manami juchata rurashachu caran. Het runa Uriasta wañuchillarmi juchata ruraran.

1 Reyes 3:14

Papäniqui Davidno noga munashäcunata, llapan laycunata, mandamintucunata cumliptiquega yanapäshayquipaj unaycama cawanayquipämi.»

1 Reyes 3:3

Salomonga fiyupami Tayta Diosta rispitaj. Papänin David rurashan laycunatapis llapanta cumliran. Ichanga puytush lömacunacho uywacunata rupachiran. Insinsuwanpis saumachiran.

1 Reyes 3:6

Chaura Salomón niran: «Tayta Dios, gamga allimi ricashcanqui papänë Davidta. Paypis ñaupayquicho allitami rurasha. Llapan shongunwanmi wiyacushurayqui. Manami juchata rurashachu. Chaymi alli ricashcanqui. Camacächishcanqui juc wamran ruquin ray jamaycunanpäpis. Chaymi nogaga ray caycä.

1 Reyes 6:12

«Cay Templuta jatarachir gallaycusha captiquimi canan tantiyachishayqui: Noga nishäno llapan laynëcunata y mandamintöcunata cumliptiquega nogapis cumlishämi taytayqui Davidta aunishäta.

1 Reyes 8:25

Chaymi cananga Israelcunapa Tayta Diosnin papänë Davidta waquin aunishayquitapis cumliycuy ari. Paytami nirayqui: ‹Gampita mirar aywajcunallami imaypis Israelcunata mandar jamaranga. Ichanga llapantapis munashäno allillata rurachun gamno.›

2 Reyes 20:3

«Nogaga gamta amatarmi ruwacö Tayta Dios, llapan shongöwan gam munashayquino rurashäta yarpärinayquipaj.» Chayno nir llaquicushpan fiyupa wagaran.

2 Crónicas 17:4

Chaypa ruquenga papänin rispitashan Tayta Diosman yäracurmi ruraran Dios imanöpis rurananpaj nishancunata. Manami ruraranchu Israel runacuna rurashannöga.

Salmos 101:2

Gam munashayquinöllami nogaga goyayta munä. ¿Imayraj noga cajman shamunqui? Palasyöchöpis allillatami rurashaj.

Salmos 128:1

Cushishami cawanga Tayta Diosta rispitajcunaga, payta wiyacojcunaga.

Salmos 15:2

Chayangapäga juchaynajcunallami, alli cajta rurajcunallami, rasun cajta rimajllami,

Salmos 26:1

Tayta Dios, imano cashätapis gamga musyaycanquimi. Nogaga imaypis alli cajllatami ruraycä. Mana cachaypa gamllamanmi yäracaycämö.

Salmos 26:11

Nogami ichanga imaypis alli cajllata ruraycä. Cuyapämashpayqui salbaycamay ari.

Salmos 78:72

Davidga alli shongu carmi Israelcunata alli ricaran. Yarpaysapa carmi alli mandaran.

Proverbios 10:9

Pipis mana rimasha limyu runaga cushishami goyäcun. Llutancunacho purejcuna mana allita rurajcunami ichanga mana alliman chayan.

Proverbios 20:7

Allita ruraj runaga allita rurallarmi goyan. Chayno alli runapaga wamrancunapis cushishami goyanga.

Proverbios 28:18

Alli runaga llapanpitami salbaconga. Fiyu runami ichanga disigrasyaman chayanga.

Ezequiel 18:9

Chaypa ruquenga laynëcuna nishantami wiyacun. Mandamintöcunacho niycashantapis llapantami cumlin. «Chayno ruraj runami rasunpa alli runaga. Chayno rurashanpita chay runaga cawangami. Noga Tayta Diosmi chayno në.

Zacarías 3:7

«Munayniyoj Tayta Diosmi cayno nin: ‹Noga munashänölla llapanta ruray. Ruranayquipaj nishäcunataga juctapis mana jaguiypa cumliy. Chauraga Templöcho arunayquipämi churashayquipaj. Chaycho carnami täpanquipaj Templutawan ñaupan sawan pampacunata. Nogaga churashayquipaj cay sirbimaj anjilnëcunano cutir ticrar arunayquipämi.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Deuteronomio 28:1

«Canan yachaycächishä mandamintuncunata mana gongaypa cumlir Tayta Diosta wiyacuptiquega may-chay nasyuncunacho tiyaj runacunata yanapashanpitapis masmi yanapäshunquipaj.