1 Reyes 4:33 - Tayta Diosninchi Isquirbichishan

³³ Yachachiran jatun jachacunapita tacsha jachacunapitapis. Yachachiran Libanucho caj jatusaj sedru guerucunapita pergacunacho caj guewacunapitapis. Llapan casta uywacunapitapis, äbicunapitapis, garachaypa purejcunapitapis, pescäducunapitapis yachachiran.

1 Reyes 4:33 ပူးပေါင်းရင်းမြစ်များ

1 Reyes 4:32

Quimsa waranga (3,000) casta yachachicuycunata rimaran. Birsucunatapis camacächiran waranga pichganta (1,005).

1 Reyes 4:34

Salomón fiyupa yachaj cashanta mayaycur intëru nasyunpitami shamoj rimashanta wiyananpaj.

2 Reyes 19:23

Cachayquicunawan ashllichimarmi nimashcanqui: ‹Yupaytapis mana atipaypaj aypalla carrëtäcunawanmi yaycushcä intëru puntancunapapis. Mana pipis yaycunan Líbano jircacunamanpis yaycushcämi. Sajtashcä jatunnin sedru gueruncunatapis, mas cuyayllapaj pïno gueruncunatapis. Chayashcämi altunnin jircancunaman, may-may muntincunamanpis.

Salmos 51:7

Llapan juchäta pichaycuy ari. Chauraga limyunami cashaj. Mayllaycamay. Chauraga rashtapitapis mas yurajnami ricacushaj.

Salmos 92:12

Alli runacunaga carcaycan cuyayllapaj palma yöra tucturaycajnörämi. Miranpis Libanucho sedru wiñamojnörämi.

Éxodo 12:22

Chay uywapa yawarninta charinqui. Nircur chajchucuna jachata yawarman töparcachir puncupa marcuncunata, numralninta pichunqui. Chayno ruraycorga chay pagas pipis ama llojshengachu pacha waränancama.

Cantares 4:8

Majallä, aywacushun. Líbano puntapita uräcushun. Puntacunapita uräshun. Liyuncuna tiyanan machaycunapita aywacushun. Tigricuna tiyanan puntacunapitapis uräcushun.

Cantares 5:15

Chancancunapis achicyaypa achicyaycachaycaj rumipita rurasha pilancucunanömi. Goripita rurasha jamacunacho ichiraycajno caycan. Paytaga ricärillarnami rejsinchi Libanupita caj sedru guerucunatanöpis.

Levítico 14:51

Wañuchishan äbipa yawarninwan, pucyu yacuwan ushmachenga cawaycaj äbita, sedru gueruta, puca tëlata, chajchucuna waytata. Chaywanga ganchis cutimi wasita chajchonga.

Números 19:18

Nircorga limyu caycaj runami chay yacuman chajchucuna jachata jatircur chajchupanga ganra runa tiyashan tolduta, toldu rurincho llapan ima-aycancunata, llapan chaycho tiyajcunatapis. Ganra runatapis chajchupanga tulluta yatasha captinpis, runa wañuchishan ayata yatasha captinpis, quiquillan wañusha runapa ayanta yatasha captinpis u aya pamparashanta yatasha captinpis.

Números 24:6

Palma yöracuna fïlayllanpa ichiraycajnömi ricacan. Mayu cantuncho wertata Tayta Dios lantashanno caycan. ¡Yacu cantuncho sedru guerucuna caycajnömi caycan!

Hebreos 9:19

Llapan runacuna shuntacasha caycaptin Moisesga imanöpis laycuna nishanta ushajpaj liguiparan. Liguipayta ushaycorga töru-mallwacunapa yawarninwan chïbucunapa yawarnin yacuwan tacusha caycajman guerupa puntancho puca millwa watasha caycajta jatirpur liguishan laycunata chajchuran. Llapan runacuna caycashan cajmanpis chajchuran.