1 Reyes 22:8 - Tayta Diosninchi Isquirbichishan

⁸ Chaura Israelpa raynenga Josafat-ta niran: «Mas juc caycanrämi. Paywanpis Tayta Diosta tapucushwanmi. Payga Imlapa wamran Micaiasmi. Payga imaypis mana allillatami willaman. Chaypitami chiquë.» Chaura Josafat niran: «Ama chaynöga niychu.»

1 Reyes 22:8 ပူးပေါင်းရင်းမြစ်များ

Génesis 37:8

Chayno willapaptin wauguincuna niran: «¿Chauraga gamchi canquipaj nogacunapa raynë? ¿Gampa munayniquichöchi nogacunaga cashaj?» Chayno suyñuncunata willapaptin wauguincunaga masraj chiquicarcäriran.

1 Reyes 18:4

Tayta Diospa profëtacunata Jezabel wañuchiyta gallaycuptin payga shuntarcur pachacta (100) pacaycusha caran. Pichga chunca-cama (50) raquircur ishcay machayman pacaycuran. Nircur micuytapis gararan.

1 Reyes 19:10

Chaura pay niran: «Nogaga llapan shongöwanmi sirbishcä munayniyoj Tayta Dios. Israelcunami ichanga conträtuta rurar parlacushayquitapis mana cäsushachu. Altarniquicunatapis juchurgärachisha. Profëtayquicunatapis llapantami wañuchisha. Nogallanami cawaycä. Nogatapis ashiycäman wañuchimänanpämi» nir.

1 Reyes 19:14

Chaura pay niran: «Nogaga llapan shongöwanmi gamta sirbishcä munayniyoj Tayta Dios. Israelcunami ichanga conträtuta rurar parlacushayquitapis mana cäsushachu. Altarniquicunatapis juchurgärachisha. Profëtayquicunatapis llapantami wañuchisha. Nogallanami cawaycä. Cananga nogatapis ashiycäman wañuchimänanpaj.»

1 Reyes 21:20

Eliasta Acab niran: «Conträ, tariycamanqui ¿au?» Chaura Eliasga niran: «Au tarishcämi. Tayta Diosta mana wiyacur gamga fiyupa mana allicunallatami ruraycanqui.

1 Reyes 22:13

Micaiasta gayaj aywaj cachaga chayaycur niran: «Tapucuptin llapanpis profëtacunaga alli willapallatami willasha raytaga. Chaymi gampis waquin nishannölla allillata willaycunqui ari.»

1 Reyes 22:18

Chaura Israelpa raynenga Judäpa raynin Josafat-ta niran: «¿Nogaga manachu nishcä? Cay runaga manami imaypis allitaga willamanchu. Chaypa ruquenga mana allicunallatami niman.»

1 Reyes 22:27

Paycunata willanqui carsilman wichgananpaj. Micuytapis yacutapis ichic-ichiclla yawachichun noga guërrapita sänu cutimunäcama.»

1 Reyes 22:7

Chaypis Josafatga tapuranraj: «Caychöga ¿manachu mas can Tayta Diospa profëtan? Captenga paytapis tapucushunraj» nir.

1 Reyes 22:9

Israelpa raynenga jinan öra mandaj suldärunta gayarcur niran: «¡Canan öra shamuchun Imlapa wamran Micaías!» nir.

2 Reyes 9:22

Jehüta ricärir Joramga tapuran: «¿Alli canapächu aywaycämunqui Jehú?» nir. Jehüga niran: «¿Imanöpataj allipäpis shamushaj mamayqui Jezabel ïdulucunata aduraycaptenga brüju ruraynintapis mana cachariycaptenga?»

2 Crónicas 36:16

Tayta Diospa willacuyninta willapaptinpis pasaypa manacajman churar asiparan. Profëtacunatapis asiparan. Chaymi Tayta Diosga acrashan runacunapaj fiyupa rabyacurcuran. Chaymi runacunaga Tayta Diosman yäracunanpaj manana imata ruraytapis camäpacurannachu.

Salmos 34:21

Fiyu runacunamanga quiquin mana allita rurashallanmi chayan. Allita ruraj runacunata chiquëga castigashami canga.

Proverbios 15:12

Mana rispitacojcunaga pï piñacuptinpis manami wiyacunchu. Yachajcunawan goturpaytapis manami munanchu.

Proverbios 29:10

Wañuchicojcunaga juchaynaj runacunata wañuchiyllatami yarpaycan. Alli runacunami ichanga juchaynajcunapa amïgun cayta munan.

Proverbios 9:8

Mana rispitacojcunaga piñacuptiqui chiquipäshunquipämi. Yachaj runacunami ichanga piñacuptiqui fiyupa cushicurmi chasquicongapaj cuyashunquipaj.

Isaías 3:11

¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

Isaías 30:10

Profëtacunatami nircaycan «Amana ricapacuynachu» nir. Profëtacunataga nircaycan: «Amana willapämaychu rasun cajta musyachishushayquita. Cushicuypaj cajcunallata willapämayga. Munashäcunallata willapämayga.

Isaías 49:7

Israelcunapa Salbacoj Santo Tayta Diosninmi sirbejninta nin: «Gamga juc nasyun runacunapita chiquishami, manacajman churashami cashcanqui. Fiyu mandajcunapa uywayninmi cashcanqui. Cananpitami ichanga raycunapis waquin mandajcunapis ñaupayquiman gongurpaconga. Chaynöga canga Israelcunapa Santo Tayta Diosniqui gamta acrasha captëmi, aunishäta cumlej captëmi.»

Jeremías 18:18

Runacunaga ninacuran: «Jeremiasta calumyananchïpaj parlacushun. Pay manana captinpis cüracunaga manami pishengapächu yachachimänanchïpaj, musyajcuna willapämänanchïpaj, profëtacunapis Dios nishanta willamänanchïpaj. Jeremiastaga tucuynöpa calumyashun. Pay imata willapämashapis ama wiyaj-tucushunchu.»

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 36:23

Jehudí cada partita liguiyllanta rayga cuchilluwan cuchur-cuchur mashacuycashan nina rataycajman rupachiran. Rayga chayno cuchurcur-cuchurcur ushajpaj rupachiran.

Jeremías 38:4

Chayno nishanpitami mandajcunaga rayta niran: «Chay runataga wañurachishun. Chayno rimashpanga siudächo caycajraj suldärucunatapis, llapan runacunatapis manchariycächinmi. Cay runaga manami munanchu marcanchi alli cananta. Chaypa ruquenga mana alli chayamänanchïtami munan.»

Amós 5:10

Israelcuna gamcunaga dimanduta alli arriglaj cajta chiquinquimi. Rasun cajta rimaj testïgutaga manami rimanantapis munanquichu.

Miqueas 2:11

‹Tayta Diosga yanapäshunquipaj bïnu cananpaj, machächicojcuna cananpaj› nir willacojcunami gamcunapa profëtayqui cananpäga alli caycan.

Miqueas 2:7

Jacobpita mirajcuna caycaptë Tayta Diosninchi manami nogacunawan rabyashachu caycan. Castigamänanpaj cashanta willacuptiquipis payga manami castigamangachu. Alli runacuna captëmi Tayta Diosga imaypis yanapämanga.»

Zacarías 11:8

Chaypita juc quillallachömi jitarirä quimsaj uyshërucunata. Paycunaga fiyupana rabyachimaran; quiquincunapis chiquicarcäramaran.

Mateo 10:22

Noga-jananmi pï-maypis chiquishunquipaj. Chayno chiquishuptiquipis ushanancama nogaman yäracamaptiquega salbashami canquipaj.

Juan 17:14

«Paycunataga alli willacuyniquita maynami willapashcä. Chaymi waquin runacunaga paycunata chiquicarcärisha, chay runacunano mana captin. Nogapis manami mana riguej runacunanöchu cä.

Juan 7:7

Gamcunataga runacuna manami chiquishunquichu. Nogatami ichanga chiquiman juchayoj cashanta niptë.

Gálatas 4:16

Cananga ¿rasun cajta nishäpitachu nogapa conträ ricacushcanqui?