1 Reyes 22:17 - Tayta Diosninchi Isquirbichishan

¹⁷ Chaura Micaiasga niran: «Llapan Israelcunatami ricashcä intëru jircacho mashtacasha caycajta, uyshëruynaj uyshacunatano. Tayta Diosga nisha: ‹Paycunaga duyñuynajmi. Paycunaga cada ünun allilla cuticuchun wasinman-cama.› »

1 Reyes 22:17 ပူးပေါင်းရင်းမြစ်များ

1 Reyes 22:16

Chaura rayga niran: «¿Ayca cutitaj nishayqui Tayta Diospa jutincho rasun cajllata willamänayquipaj?»

Isaías 13:14

«Chay öra runaga Babiloniapita cada-ünunmi nasyunninman-cama gueshpir cuticonga. Cada-ünunmi marcanman-cama cuticongapaj. Chay runacuna ricaconga gaticachaptin lluychu gueshpiycajnörämi. Uyshëruynaj juc röpa uysha mancharisha cörriyllapa gueshpiycajno canga.

Jeremías 28:8

Manaraj gampis nogapis cashanchi wichan unay profëtacunaga willacuran jatun nasyuncunacho, munayniyoj raycuna caycashancho guërra, ñacaycuna, fiyu gueshya cananpaj cashantami.

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 50:6

«Acrashä runacunaga pantacasha uyshacunanömi carcaycasha. Mandajnincunami llutanpa yarpächisha jircacunacho uysha pantacajnöpis pantacäcunanpaj. Paycunaga purisha juc jircapita juc jircamanmi. Chayno purir gongaycärishanami maycho tiyanan cashantapis.

Ezequiel 1:4

norte caj-läpita fiyu wayra wayraycämojta. Pucutay chaupinpitana illguy achicyashannöraj nina llojshiycämuran. Chay nina chaupinchöna fiyupa chillapyaypa chillapyaycämuran.

Nahúm 3:18

«¡Asiriapa raynin, mandäshishojcunaga imanöshi puñucasha carcaycan! Mandaj suldäruyquicuna jamaparcaycan. Runacunanami wacpa caypa machicasha carcaycan. Manami pipis canchu juc pachaman chaycunata shuntananpäga.

Zacarías 10:2

Wasi ïdulucuna ribilacushanmi ichanga mana rasunpachu. Musyacojcuna «cayno wacno» nishanpis manami rasunpa cajchu. Chay runacuna suyñucunata willacushanga manami rasunpachu. Shacyächir willapashancunapis manami rasun cajchu. Chaymi gamcunaga uysha mashtacajnöpis pantacasha carcaycanqui. Uyshëruynaj uyshacuna-jinami fiyupa ñacarcaycanqui.

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.

Números 24:3

Balaamga imano cananpäpis cayno rimaran: «Beorpa wamran Balaammi cä. Imano cananpaj cajtapis Tayta Dios musyachimaptinmi rimaycä.

Números 24:4

Munaynincho Tayta Dios ricacachimaptinmi llapantapis ricä. Nogataga munayniyoj Tayta Diosmi musyachiman, ribilaman.

Mateo 9:36

Runacuna shuntacasha carcaycajta ricashpan Jesusga cuyapaj. Uyshëruynaj, ogracasha llaquisha uyshacunano caycajta ricarmi Jesús cuyaparan.

Marcos 6:34

Can'wapita Jesús llojshirir aypalla runacunata ricar cuyaparan. Chay runacunaga carcaycaran uyshëruynaj mashtacasha caycaj uyshano. Chaymi may öra yachachiran.

1 Samuel 9:9

(Canan «profëta» nishanchïtami unayga «willacoj» nej. Chaymi Israelcuna Tayta Diosta tapucuyta munarga «Willacojta tapucoj aywashun» nej.)