1 Reyes 19:4 - Tayta Diosninchi Isquirbichishan

⁴ Nircur quiquenga juc junaj goyarpoj chunyajman aywacuran. Nircur jamacuycuran retäma jachapa chaquinman chayllachöna wañucuyta yarpar. Chaymi niran: «¡Tayta Dios, amana cawachimaynachu! ¡Shuntacamayna ari! Nogapis wañucoj taytäcunata gatiytami munä.»

1 Reyes 19:4 ပူးပေါင်းရင်းမြစ်များ

1 Reyes 13:14

Judäpita shamoj profëtapa guepanpa. Tariparcurna encina yöra chaquincho jamaraycajta tapuran: «¿Gamchu canqui Judäpita shamoj profëta?» nir. Chaura «Au nogami caycä» niran.

1 Reyes 19:3

Chaura Eliasga wañuchinanpaj caycashanta musyaycur gueshpir aywacuran Judá particho caycaj Beersebaman. Chaychöna uywayninta cachaycuran.

1 Reyes 19:5

Retäma chaquinman wegucuycur puñucäcuran. Chayman juc anjil chayar yataycushpan niran: «jatarcur micucurcuy» nir.

2 Reyes 2:11

Chayno ishcan parlar aywarcaycaptin illajpita carrëta cawalluntin nina ratataycaj yurir raquiriycuran. Chaura Eliasga syëluman aywacuran shucucuy wayracho.

Job 6:8

«¡Ima alliraj canman mañacushäta Tayta Dios auniycamaptin! ¡Ima alliraj canman munashäta Tayta Dios cumlimaptin!

Job 6:9

¡Ima alliraj canman Tayta Dios llapiramaptin! Chauraga wañur usharäcömannami.

Jeremías 20:9

«Tayta Diosta amana yarpashänachu. Paypa jutinchöpis mananami parlashänachu» nir yarpaptëga willacunäpaj nimashayqui cuerpöcho nina imatapis rupaycajnörämi ricacun, tullöcamaraj chayarinpis. Upälla cacuyta munarpis manami upälla cacuytaga camäpacöchu.

Amós 6:2

Calne siudäta aywar mä ricamunqui. Chaypitaga päsar chayanqui Hamat jatun siudäman. Chaypitana uranqui Filisteacho caycaj Gat siudäman. ¿Chay nasyuncunacho tiyaj runacunapita mas bälejchuraj gamcunaga canqui? ¿Gamcunapa nasyunniquega chay nasyuncunapita mas allichuraj?

Jonás 4:3

Chaypitami gamta fiyupa ruwacö juclla shuntacamänayquipaj. Juclla wañucuptëmi mas alli canga cawaycänäpa ruquenga.»

Jonás 4:8

Inti yagarcamuptinna Tayta Dios acaj wayrata wayrächimuran inti yagamunan caj lädupita. Chaura shanay Jonaspa umanman fiyupa chayaptin wañucäcojno ricacuran. Chaymi niran: «Wañucuptëmi alli canman cawaycänäpa ruquenga.»

Nahúm 3:8

«Nínive, ¿gamga Tebas siudäpita mas munayniyojchuraj canqui? Chay siudäga caycan Nilo mayupa lädunchömi. Jatun mayumi chaparaycan. Intëru cantunpa yacumi curalaraycan.

Números 11:15

Chaynölla ñacachimänayqui captenga asta juclla shuntacamay. Chaura manami imachöpis ñacashänachu.»

Mateo 6:26

Masqui yarpachacuy äbicuna imano cawashantapis. Manami murupacunchu. Manami shuntapacunchu. Manami micuyta shuntanchu churananpaj. Chaycunataga Tayta Diosmi micuyta tarichin. Tayta Diospäga chay äbicunapita masmi gamcuna bälinqui.

Juan 4:6

Chay chacrachömi caycaran unayna Jacob uchcuchishan yacu pösu. Uticashana carmi Jesusga chay pösu cajman chayar jamacuycuran. Öraga caran las-dösinöna.

Romanos 3:9

Chayno captenga ¿Israelcuna mas allichu caycan waquinpitaga? Manami. Yachachishänöpis Israel runapis mana Israel runapis juchayojllami caycanchi.