1 Reyes 17:22 - Tayta Diosninchi Isquirbichishan

²² Chaura Tayta Diosga Elías ruwacushanno ruraran. Chaymi wamrata cawarachimuran.

1 Reyes 17:22 ပူးပေါင်းရင်းမြစ်များ

1 Reyes 17:23

Cawarircamuptin Eliasga jinan öra wamrata margacurcur altuspita urächimuran. Nircur cutiycachiran mamanta «¡Cä wamrayqui. Masqui ricay cawaycanmi!» nir.

2 Reyes 13:21

Juc cutichömi Israelcuna wañusha runata pampaj aparcaycaran. Pampananpaj caycashancho ricäriran asaltanticuna aywaycajta. Chaura wañusha runataga Eliseota jatishan uchcullaman jitariycärir gueshpir aywacuran. Wañusha runapa cuerpun Eliseopa tullunta töparcuptin jinan öra cawarir jataricurcuran.

Lucas 7:14

Chayno nircur aparcaycajpa ñaupanman aywarcur yataycuran ayata apaycashan quirmata. Chaura ayata wintuycajcunaga ichiycäriran. Wañusha caycaj mösutana niran: «¡Mösu, jatariy!»

Lucas 8:54

Chaypitaga wañusha caycaj wamratana maquipita charircur Jesús niran: «¡Jatariy, wamra!»

Juan 11:43

Chayno nircur Jesusga gayacuypa niran: «¡Lázaro, llojshimuy!»

Hechos 20:12

Mösutapis cawaycajtana wasinman pushacuran. Mösu cawaramushanpitami ermänucunaga fiyupa cushicuran.

Romanos 14:9

Jesucristoga cawajcunatapis wañushacunatapis maquincho chararänanpämi wañushanpita cawarimusha.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.

Hebreos 11:35

Chaynöllami Tayta Diosman yäracoj warmicunapis ricaran wañusha castancuna chutaraycashanpita cawarimojta. Waquin runacunatanami Tayta Diosman yäracuptinpis runacuna ñacachiypa wañuchiran. Chayno ñacachiptinpis paycunaga llapan shongunwanmi Tayta Diosman yäracuran. Paycunaga Tayta Diosta ñïgachinan-casha ñacachiptinpis wañuran cawarcamur imaycamapis cawananpaj cashanta musyarmi.

Apocalipsis 11:11

Ichanga wañusha jitaraycashanpita quimsa junaj medyantami chay ishcay profëtancunata Tayta Dios cawarachiran. Ricajcunaga llapanmi fiyupa manchariran.

1 Samuel 2:6

Tayta Diosmi cawayta gomanchi, wañuymanpis chayachimanchi. Paymi wañushacuna caycashanman chayachimanchi. Chaypitapis cutichimanchi.