1 Reyes 10:18 - Tayta Diosninchi Isquirbichishan

¹⁸ Marfilpitapis rurachiran sillunninta. Intëru jananpa goriwan chapyachiran.

1 Reyes 10:18 ပူးပေါင်းရင်းမြစ်များ

1 Reyes 10:19

Chay sillonga caran sojta escalunyoj wichänanpaj. Wajtan tucnacunanga caran tumaricasha. Jamacunanpa ishcan läduncho caycaran maquinta churacunanpaj. Cada-lädunchömi juc-cama ichirpaycaran liyuncuna.

1 Reyes 10:22

Raypa Tarsis büquincuna cada quimsa watacho juc cutillami chayamoj Hirampa büquincunawan iwal. Apamoj gorita, guellayta, marfilta, mönucunata, päbu riyalcunatapis.

1 Reyes 22:39

Acab ima rurashancunapis, llapan willapancunapis, palasyuta marfilpita adurnachishan, siudäcunata aruchishanpis isquirbiraycan Israelcunapa raynincunapa acta librunchömi.

Salmos 110:1

Tayta Diosmi tayta raynëta nisha: «Cay derëchu caj lädöman jamacuy llapan chiquishojcunata munayniquiman churanäcama» nir.

Salmos 122:5

Chaychömi carcaycan arriglananpaj mandajcunaga. Chaychömi caycan Davidpita miraj famillya mandajcunaga.

Salmos 45:6

Tayta Dios camacächiptin mandaycashayquega para-simrimi. Gamga llapantapis allimi mandanqui.

Salmos 45:8

Alli caj perfümi alli asyashannömi röpayquipis alli asyaycan. Cuyayllapaj marfilwan adurnasha palasyuyquichömi cushicachishunqui arpacunata tucapäshushpayqui.

Ezequiel 27:6

Yacupa purichishunayquipaj bäticunayquitanami rurasha Basancho caj encina guerucunapita. Chipre lamar cantunpita sipresta apaycamurna intëru janayquita chapar intablasha. Chaymanga marfilcunawanpis cañichiypa adurnasha.

Amós 6:4

Cuyayllapaj llagllaypa adurnasha jamanacho wegurpaycanqui. Fistata rurar cushicushpayqui goyaycanqui. Carni-mallwacunata, werannin töru-mallwacunata micur jamarpaycanqui.

Hebreos 1:3

Wamranmi musyachimanchi Tayta Dios imano munayniyoj cashantapis. Wamranta rejserga quiquin Tayta Diostapis rejsinchïmi. Llapan camashancunatapis munaynincho Wamran chararaptinmi canancamapis caycanraj. Wamranga llapan juchanchïcunata perdunamänanchïpämi cruscho wañurcur syëluman cutiran. Chaychönami cananga Tayta Diospa derëchu caj-läduncho jamaraycan.

Hebreos 1:8

Wamranpämi ichanga niran: «Gam mandashayquega mana ushacajmi canga. Gamga llapantapis allimi mandanqui.

Apocalipsis 18:12

Chay nigusyanticunaga ranticunanpaj apaj gorita, guellayta, cuyayllapaj rumicunatapis, lïnupita tëlata, sëdapita tëlata, puca chicnu tëlata, cuestaj guerupita tucuy-niraj tablacunata, cuyayllapaj marfilpita, runsipita, fyërrupita, marmolpita rurasha cajcunata,

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.