1 Reyes 1:53 - Tayta Diosninchi Isquirbichishan

⁵³ Chayno nircur jinan öra Salomonga cacharan rispitädu altarpita jorgunanpaj. Chaypitaga Adonías ray Salomonpa ñaupanman aywaycur gongurpacuran. Salomonna «wasiquiman aywacuy» niran.

1 Reyes 1:53 ပူးပေါင်းရင်းမြစ်များ

2 Samuel 1:2

Warannin junäga Saulpa suldäruncunapita chayaran juc runa, fiyupa llaquicuywan röpanpis pasaypa rachir-ushasha, umanpis allpalla. David cajman chayaycorga rispitashpan gongurpacuran.

2 Samuel 14:24

Raymi ichanga niran «wasinman derëchu aywacuchun. Ama ricamächunchu». Chaura Absalonga raywan mana tincullar derëchu wasinman aywacuran.

2 Samuel 14:28

Absalonga ishcay wata goyaran Jerusalencho raywan mana tincuyllapa.

2 Samuel 14:33

Chaura Joabga aywaran ray cajman. Willaran Absalón nishanta. Ray Davidna gayachiran. Ray cajman chayar Absalonga gongurpaycur umpuran urcunpis pampaman töpananyaj. Raypis wamranta muchashpanraj jamachiran.

1 Reyes 1:16

Betsabëga raypa ñaupanman gongurpacur umpuran urcunpis pampaman töpananyaj. Chaura «¿Imanaycanquitaj?» nir tapuran rayga.

1 Reyes 1:31

Chaura Betsabëga raypa ñaupanman gongurpaycur umpuran urcunpis pampaman töpananyaj. Nircur sinchipa ray Davidta niran: «¡Tayta ray, gamga imaycamapis caway!»

1 Reyes 1:52

Chaura Salomón niran: «Pay alli cacuptenga manami imapis päsangachu. Mana allita rurashancuna taricaptinmi ichanga wañonga.»

1 Reyes 2:1

David wañunanpaj wallcana pishiycaran. Chaymi wamran Salomonta niran:

1 Reyes 2:36

Nircur Simeita gayarcachir niran: «Jerusalencho wasita ruracuy. Chayllacho maypapis mana llojshiypa tiyacuy.

Proverbios 24:21

Ïju, Tayta Diosta manchacuy. Raytapis rispitay. Fiyu runacunawanga ama goturpanquichu.