1 Reyes 1:52 - Tayta Diosninchi Isquirbichishan

⁵² Chaura Salomón niran: «Pay alli cacuptenga manami imapis päsangachu. Mana allita rurashancuna taricaptinmi ichanga wañonga.»

1 Reyes 1:52 ပူးပေါင်းရင်းမြစ်များ

2 Samuel 14:11

Chaypis warmiga niranraj: «¡Tayta ray fiyupami ruwacö. Tayta Diosniquita mañacapaycamay, wamräta wañuchiyta munaycaj famillyan mana wañuchinanpaj!» Chaura rayga niran: «¡Tayta Diospa jutinchömi jurä. Wamrayquitaga manami pipis wañuchengachu!»

1 Reyes 1:51

Chaypita Salomonta juc runa willaran: «Tayta ray, gamtami fiyupa manchacuycäshunqui Adoniasga. Chaymi Tayta Diospa tolduncho pacaraycan. ‹Paytaga manami wañuchishächu› nir auninayquita munaycan.»

1 Reyes 1:53

Chayno nircur jinan öra Salomonga cacharan rispitädu altarpita jorgunanpaj. Chaypitaga Adonías ray Salomonpa ñaupanman aywaycur gongurpacuran. Salomonna «wasiquiman aywacuy» niran.

Job 15:22

Paycuna manami yarpanchu chacajman chayananpita gueshpiyta. ¡Espädawan wañunallanpänami acrasha caycan!

Proverbios 13:6

Alli runataga allita rurashancunami mana allipitapis chapan. Jucha rurajcunatami ichanga mana allita rurashancuna illgächin.

Proverbios 21:12

Juchaynaj Tayta Diosga fiyu runa imano goyashantapis sumajmi ricaycan. Nircur fiyu runacunataga mana alliman chayachirmi illgächin.

Mateo 10:30

Ajchayqui mana imapaj alli captinpis Tayta Diosga musyaycanmi ayca cashallantapis.

Lucas 21:18

Chayno rurashuptiquipis Tayta Diosninchëga manami cachaycushunquipächu.

Hechos 27:34

Nogaga gamcunata ruwä imallatapis micunayquipaj. Micunayqui salbacunayquipaj balurniqui cananpaj. Manami mayganchïpis wañushunpächu» nir.

1 Samuel 14:45

Niptenga llapan runana Saulta niran: «Jonatanga ama wañuchunchu. ¡Paychaj Israelcunatapis pillyachöga binsichisha! ¡Tayta Diosga manami camacächengachu Jonatán wañunanta! Payga llapantapis Tayta Dios yanapaptinmi rurasha.» Chaynöpami llapan runa Jonatanta salbaran.