1 Pedro 3:4 - Tayta Diosninchi Isquirbichishan

⁴ Chaypa ruquenga yarpachacuy pï-maywanpis alli cawanayquipaj. Chayno cashayquimi Tayta Diospäga mas bälin may-jina adurnacushayquipitapis.

1 Pedro 3:4 ပူးပေါင်းရင်းမြစ်များ

Salmos 131:2

Chaypa ruquenga mana rimacuyllapa upällallami cacö unayllana wasguisha caycaj wamrano. Wamra mamanpa mellgaynincho cushisha caycajnömi caycä.

Salmos 147:6

Tayta Diosga yanapanmi umildicunata. Fiyu runacunatanami ichanga pengayman churan.

Salmos 149:4

Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

Salmos 25:9

Umildicunataga tantiyachinmi. Allillata rurananpämi yachachin.

Salmos 45:13

Raypa jipash wamranmi cuyayllapaj shuyaraycan. Röpanpis caycan goriwan burdashami.

Salmos 51:6

Chaypis gamga cuyanqui rasun cajta rimaj cajtami. Shongullächömi yachachimashcanqui yachaj canäpaj.

Isaías 11:4

Pipis mana yanapashancunata alli arriglanga. Nasyuncho caj pobricunatapis rispitacachenga. Paymi nenga ñacachicojcuna castigacänanpaj. Paypa jämaynenga espädanömi fiyucunata wañurachenga.

Isaías 29:19

Tayta Dios yanapaptinmi umildicunaga cushiconga. Pobricunapis cushishami goyangapaj Israelcuna sirbishan Santo Tayta Dios yanapaptin.

Isaías 57:15

Janajcho tiyaj, imaycamapis cawaj, Santo Tayta Diosmi cayno nin: «Nogaga tiyä rispitädu janaj pachachömi. Ichanga umildicunawanpis llaquicuycajcunawanpis iwalmi caycä. Paycunatanami yanapar shacyächë.

Isaías 61:1

Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; llaquisha caycajcunata cushicachinäpämi; prësu caycajcunata librina cananpäna willapänäpämi; carsilcho wichgaraycajcunatapis jorgunäpämi;

Jeremías 51:59

Sedequías Judäpa raynin chuscu watana caycaptin profëta Jeremiasga apachicuran Neriaspa wamran Seraiasta. Seraías caran Maasiaspa willcan. Ray Sedequías Babiloniaman aywaptin Seraiasga aywäshiran ray pachacuptin llapanta camaripänanpaj.

Mateo 11:29

Nogapa yügöta matancacuy. Nogaga cuyapäcoj, umildimi cä. Nogami yachachishayqui. Chaynöpami alli jamayta tarichishayqui.

Mateo 21:5

«Sión lömacho tiyajcunata willay: « ‹Ricay. Umildi rayniquimi aywaycämun bürrullan muntasha. Cargacuna bürrupa wawanta muntashami aywaycämun.› »

Mateo 23:26

¡Mana tantiyaj gapra fariseucuna! Rimëruga pusillupa lätupa rurintaraj mayllay. Chayno ruraptiquega ishcan-läpanami limyu canga.

Mateo 5:5

«Cushishami cawanga umildicunaga. Paycunami chasquenga Tayta Dios ‹Goycushayquipaj› nishan mushoj pachata.

Lucas 11:40

¡Mana tantiyacoj fariseucuna! ¿Manachu musyanqui Tayta Dioslla janayquicunata rurar shonguyquicunatapis rurashanta?

Lucas 16:15

Chaymi Jesús niran: «Gamcunaga runacunapa ñaupancho alli-tucurcaycanquimi. Ichanga Tayta Dios musyaycanmi gamcuna imano cashayquitapis. Runacuna fiyupa rispitashuptiquipis Tayta Diospäga mana allimi carcaycanqui.

Romanos 1:23

Chaymi imaycamapis cawaj munayniyoj Tayta Diosta adurananpa ruquenga runa-nirajcunata ruraycullar aduran. Chaynöpis aduran pärejcunatano ruraycur, uywacunatano ruraycur y garachaypa purejcunatano ruraycur.

Romanos 2:29

Chaypa ruquenga llapan shongunwan Tayta Diosninchi munashanno cawaj cajmi shonguncho señalashano caycan. Laytapis manami janan-shongullachu cumlin, chaypa ruquenga llapan shongunpami. Chayno cawajtaga Tayta Diosmi alabanga runacuna mana alabaptinpis.

Romanos 6:6

Sumaj tantiyacushun. Jesucristuwan cruscho wañojnömi jucha ruraypäga wañushanöna caycanchi. Chaymi cananga manana jucha ruraypa maquinchönachu caycanchi.

Romanos 7:22

Shongullächöga Tayta Diospa laynincuna nishanta wiyacuytami munä.

2 Corintios 10:1

Jesucristo cuyapäcoj cashanno noga Pablupis alli shimilläpa gamcunata ruwacö wiyamänayquipaj. Waquinniquega nircaycanqui: «Ñaupanchïchöga Pablo manchacuycällarmi parlapämanchi. Juc-läpitami ichanga ollgömun.»

2 Corintios 4:16

Chaymi mana yamacächu. Auquinyarpis mana yamacaypa imaypis willacuycä. Auquinyaptëpis Tayta Diosmi yanapäman waran-waran payman mas yäracunäpaj.

Gálatas 5:23

mana alli-tucunchu, allillata rurananpaj tantiyacun. Chayno cawarga manami ima laytapis manacajman churanchïchu.

Efesios 4:2

Mana alli-tucuypa, mana jamurpänacuypa cuyanacur caway-llapa. Jucniqui-jucniquipis pasinsacuy, awantacuy.

Colosenses 3:12

Gamcunatapis cuyashushpayquimi Tayta Diosninchëga acrasha-cashunqui payllapäna canayquipaj. Chayno caycaptenga jucniqui-jucniquipis cuyapänacuy. Pï-maypäpis alli cay. Ama alli-tucunquichu. Alli shimillayquipa piwanpis parlanqui. Imapitapis pasinsacunqui.

Colosenses 3:3

Juchayquicunapita Jesucristo wañusha captinmi gamcuna jucha ruraypitaga wañushanöna carcaycanqui. Tayta Diosnami Jesucristupa maquincho puriycächimanchi.

1 Tesalonicenses 4:11

Piwanpis mana rimanacuyllapa caway-llapa. Runa imano cawacushantapis ricapar ama puriychu. Chaypa ruquenga yachachishänölla ima aruyllachöpis aruy.

2 Tesalonicenses 3:12

Chayno caj ermänucunataga Taytanchi Jesucristupa jutinchömi në: Wasin-wasin purinayquipa ruquenga micunayquipaj arucuy-llapa.

1 Timoteo 2:2

Mañacuy nasyunta mandajcunapaj, autoridäcunapaj paycuna alli mandananpaj. Chaynöpami noganchïpis allilla goyar Tayta Diosninchi munashanno goyäshunpaj.

2 Timoteo 2:25

Contran jatarejcunata alli shimillanpa tantiyachej canman. Tantiyachiptin capaschari tantiyacur Tayta Dios munashannönapis goyanman.

Tito 3:2

Paycunaga pitapis ama manacajman churachunchu. Piwanpis alli goyächun. Pï-maytapis cuyapächun. Rispitösu cachun.

Santiago 1:21

Chaymi mana alli ruraycunataga cachaycuyna. Chaypa ruquenga Tayta Diospa alli willacuyninta sumaj wiyacuy. Chayno wiyacojcunataga Tayta Diosmi salbanga.

1 Pedro 1:23

Chaypämi mushoj cawayta chasquicur yapay yurishano carcaycanqui. Alli cawaytaga manami mama-taytapitachu tarishcanchi; chaypa ruquenga imaycamapis cawaj Tayta Diosninchïpitami. Paymi mushoj cawayta gosha-cashunqui alli willacuyninta chasquicuptiqui. Chay alli willacuynenga mana ushacajmi.

1 Pedro 3:15

Chaypa ruquenga Tayta Jesucristuman yäracur pay munashanno caway. Imaypis camaricushalla carcaycay «Jesucristuman, aunishancunaman ¿imanirtaj yäracunqui?» nir tapushuptiqui tantiyachinayquipaj.

1 Samuel 16:7

Ichanga Tayta Dios niran: «Ricaynillantaga tamäñullantaga ama cäsupaychu. Nogaga payta manami munächu. Runa ricashallanga manami allichu. Runaga rican janallantami. Nogami ichanga shongunta rejsë.»