1 Pedro 1:18 - Tayta Diosninchi Isquirbichishan

¹⁸ Gamcunaga mamayqui taytayquipita-pachami jucha rurayllacho cawarayqui. Chayno cawaycaptiquimi Tayta Diosninchëga rantiypa-japuy jorgusha-cashunqui. Rantisha-cashunqui manami goripa chaninwanchu, ni guellaypa chaninwanpischu.

1 Pedro 1:18 ပူးပေါင်းရင်းမြစ်များ

Salmos 39:6

«Llapan runacunapis cawan llantuyno päsacojllami. Yangallami imatapis shuntacusha gotucusha. Manami musyanchu riquësancunawan pï quëdananpaj cashantapis.

Salmos 62:10

Mana allita rurashayquicunamanga ama yäracuychu. ¡Runapa ima-aycantapis guechushpayqui ama alabacuychu! Rïcuyashpayqui guellayniquimanga ama yäracuychu.

Isaías 44:22

Conträ rurashayquicunata, jucha rurashayquicunata nogami ushacächishcä pucutayta illgächejnöpis. Yapay nogamanna cutimuy ari. Nogami gamcunataga salbashcä.»

Isaías 52:3

Tayta Diosga caynömi nin: «Uywayno canayquipaj juc-lä nasyunman gamcunata prësu apashuptiqui manami ima pägatapis chasquishcächu. Chaymi canan gamcunata jorgamushpäpis mana ni imatapis pägashächu.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Jeremías 4:11

Tayta Diosnami nimaran: «Chay junäga Jerusalén runacunata nengapaj: ‹Chunyajpitami acaj wayra wayraycämun acrashä runacuna cajman› nir. Chay wayraga manami rïguta wayrananpaj shamoj wayranöchu.

Jeremías 44:17

Chaypa ruquenga imanöpis ruranäcunapaj yarpaycashäcunanömi ruracushaj. Mana cachaypami insinsuta rupaycächishaj, bïnu ofrendata churaycäshaj Syëlupa Mamanpaj. Canancama rurarcaycashänöllami ruraycäshaj. Unay caj awilöcuna rurashanno, raynëcuna rurashanno, Judäpa siudänincunacho mandajcuna rurashanno, Jerusalenpa cällincunacho rurashannöpis rurarcaycäshämi. Chayno rurashäcuna wichanga micuynëcunapis puchu-puchumi caran. Llapanpis nogacunapäga allimi caj. Manami ima disigrasyapis chayamajchu.

Jeremías 9:14

Paycunaga llapanpis goyasha shongun yarpashannöllami. Nircur taytancuna yachachishannömi mana dios caycaptin manacajcunata ‹diosnë› nir adurasha.

Ezequiel 20:18

Chaymi wamrancunata nirä: «Papäniquicunapa yupinpaga ama aywaychu. Ïdulucunata ama aduraychu.

Amós 2:4

Tayta Diosga caynömi nin: «Judá nasyun runacunaga aypallatanami mana allita rurasha. Paycunaga manami wiyacushachu yachachicuynëcunata. Laynëcunacho niycashancunatapis manami cäsushachu. Chaypa ruquenga papänincuna adurashan ïdulucunallatami adurasha. Chaypitami castigänillataga mana cachaycushächu.

Números 7:15

Rupachina sacrifisyupäpis aparan juc besërata, juc carnita, juc watayoj cashnita.

Marcos 8:37

U ¿runaga päganmanchuraj Tayta Diosta paywan imay-yajpis goyänanpaj?

Romanos 1:21

Tayta Diosninchi llapanpaj munayniyoj cashanta musyaycarpis paycunaga manami wiyacuranchu ni agradësicuranpischu. Chaypa ruquenga manacajcunallata yarpar mana allita rurashpanmi cawaran.

1 Corintios 3:20

Mastapis cayno niycan: «Yachajcunataga quiquin yarpashallanta yachashanpitami Tayta Diosninchi manacajman churanga.»

1 Corintios 6:20

Gamcunataga Tayta Diosninchïmi salbashushpayqui rantishurayqui. Chaymi cuerpuyquicunawan mana juchata ruraypa Tayta Diosninchïta alabay.

1 Corintios 7:23

Gamcunataga Tayta Diosninchïmi salbashushpayqui rantishurayqui. Chaymi Tayta Diosninchïpa maquinchöna caycanqui, manami runacunapa maquinchönachu.

Gálatas 1:4

Jesucristumi Tayta Diosninchi munashanno cruscho wañusha juchanchïcunata Tayta Dios perdunamänanchïpaj, llutan ruraycunapita salbamänanchïpaj.

Efesios 4:17

Cananga Tayta Jesucristupa jutincho gamcunata willapä: Tayta Diosman mana yäracoj runacunanöga amana goyaynachu. Paycunaga manacajcunata yarpallarmi cawan.

Tito 2:14

Jesucristoga llapan jucha ruraycunapita jorgamänanchïpämi noganchi-raycu wañuran. Chaynöpis perdunamashpanchïmi shuntamashcanchi cuyashan wamrancunana car pay munashanta rurar goyänanchïpaj.

Hebreos 9:12

Syëlucho Mas Rispitädu cuartuman yaycunanpäga manami cay pachacho cüracuna rurashanno chïbupa törucunapa yawarninta aparcurchu yaycusha, man'chäga quiquinpa yawarninta jicharmi yaycusha. Cada wata yaycunanpa ruquenga juc cutillami syëlucho caycaj Mas Rispitädu cuartuman yaycusha chasquicojcunata salbananpaj.

1 Pedro 1:7

Ichanga tucuy ñacaycunata päsar ichipaptinchïrämi Tayta Diosninchïman yäracushanchi musyacan. Gori alli cashanta musyanapäga ninawanrämi chulluchinchi. Chaynömi gamcunapis ñacar-raj Tayta Diosman mas yäracunqui. Gamcuna yäracushayquega goripita masmi bälin. Chaymi imano ñacarpis llapan shonguyquipa yäracuptiquega Jesucristo cutimushpan alli cawayman churashunquipaj.

1 Pedro 4:3

Unaymi ichanga gamcunapis jucha rurajcunawan iwal juchallata rurashcanqui. Chaymi shonguyqui munashancunallata rurarayqui, mana pengacuypa jucwan-jucwan juchata rurar puricurayqui, upyallar purirayqui, fistacunacho tucuyta rurarayqui, melanaypaj ïdulucunatapis adurarayqui. Unay chayno cawasha carpis cananga amana chayno cawaynachu.

1 Juan 3:5

Gamcuna musyanquinami llapan juchanchïta perdunamänapaj Jesucristo cay pachaman shamushanta. Payga juchaynajmi.