1 Crónicas 12:2 - Tayta Diosninchi Isquirbichishan

² Chay pillyay yachaj suldärucunaga caycaran lëcha jitacunancunawan. Paycunaga yacharan waracawan waracaytapis derëchu caj maquinwan ichoj caj maquinwanpis. Paycuna Benjamín trïbupita caj Saulpa famillyancuna caran:

1 Crónicas 12:2 ပူးပေါင်းရင်းမြစ်များ

1 Crónicas 12:29

Saúl caran Benjamín famillyapita. Chay famillyapita cajcunapis quimsa waranga (3,000) suldärucuna Davidman guellicuran. Davidman manaraj guellicushancamaga Saultami mana cachaypa gatiraycaran.

1 Crónicas 12:3

Gabaa runa Semapa wamrancuna Ahiezerwan Joás (Ahiezerga mandaj caran.); Azmavetpa wamrancuna Jeziel, Pelet; Anatot runacuna Beracá, Jehú;

1 Crónicas 8:40

Ulampa wamrancuna caran jinyu runacuna. Fiyupa yacharan lëcha jitayta. Paycunata yupaptin wamrancunawan willcancuna ollgu cajlla caran pachac pichga chuncan. Paycunaga caran Benjaminpita miraj.

Salmos 78:9

Efraín trïbu runacuna, lëchanwan pillyananpaj caycashanpita pillyay öraga gueshpir aywacuran.

Jueces 20:16

Benjamín runacunachöga caycaran ganchis pachac (700) runa ichoj caj maquinwan waracay yachaj. Chay runacunaga caran llënu maquimi. Cada waracaymi juc ajchallatapis chayachej.

Jueces 3:15

Ñacar sirbishpanrämi paycunaga Tayta Diosta yarpärir mañacuran. Tayta Diosnami camacächiran juc runa salbananpaj. Chay runaga caran Benjamín famillya, Gera jutiyoj runapa wamran. Jutin caran Aod. Payga ichoj caj maquillanwanmi imatapis ruraj. Juc cuti Israelcunaga impuesto pägashanta Aodwan apachiran ray Eglonman.

1 Samuel 17:49

Wallguinpita rumita jorgurcur juc maqui Filistea runataga urcucho waracaycuran. Urcuncho rumin jatipacusha Filistea runaga lätacaypa pampaman tuniran.