1 Corintios 7:5 - Tayta Diosninchi Isquirbichishan

⁵ Chaymi gamcunaga jucniqui-jucniquipis cuerpuyquita manana michänacunayquichu. Tayta Diosninchïta mañacunayqui junajcuna majayquiwan mana cacunayquipaj parlasha-imasha carga chay junajcunalla ama cacunquichu. Chaypita ichanga imaypis cashayquinöna yapay majayquiwan cacunquiman. Sïguir michänacuptiquega mana awantaptiqui Satanás maygayquitapis juchaman tunichishunquimanmi.

1 Corintios 7:5 ပူးပေါင်းရင်းမြစ်များ

Éxodo 19:15

Chaypita Moisés niran: «Warantinpaj camaricushalla carcaycay. Maygayquipis majayquiwan ama cacunquichu.»

Éxodo 21:10

Chay jipashta uywaycarpis juc warmita ashicurcorga manami pishëchinanchu micuypita ni röpapitapis. Chayno majan car derëchuntapis cumlenga.

Joel 2:16

Runacunata shuntay-llapa. Paycunata limyuyächiy-llapa. Auquincunata shuntay-llapa. Wamracunata, asta iti chuchuycajcunatapis shuntay-llapa. Chayraj ashinacushapis wasipita aywar shuntacächun.

Zacarías 7:3

Chaynöpis paycunataga cachacuran munayniyoj Tayta Diospa Templuncho caycaj profëtacunatawan cüracunata cayno tapucunanpaj: «Pichga quilla cajchöga ¿jinallachu juc junaj llaquicushpäcuna, ayunashäcuna cada watalla?»

Mateo 17:21

[Chay-niraj dyablutaga gargunqui ayunar y Tayta Diosta mañacur-rämi.]»

Mateo 19:11

Chaura Jesús niran: «Chaypis manami llapanchu majaynaj goyan. Chaypa ruquenga Tayta Dios camacächiptillanmi majaynaj goyan.

Mateo 4:10

Chaura Jesús niran: «Washata ayway Satanás. Tayta Diospa palabranchöga caynömi niycan: « ‹Tayta Diosllatami aduranqui, payllatami sirbinqui› nir.»

1 Corintios 7:4

Majachacashanpitanaga warmipa cuerpun manami quiquinpanachu, man'chäga runanpanami y runanpa cuerpunpis manami quiquinpanachu, manchäga warminpanami.

1 Tesalonicenses 3:5

Chaymi noga gamcunapaj pasaypa yarparar Jesucristuman imano yäracuycashayquitapis musyanäpaj Timoteota cachamurä. Fiyupami llaquicurä «Satanasga capaschari imatapis chapata churapaycan manana yäracunanpaj. Chayno captenga llapan willapashäcunapis manacajllapächari canga» nir.