1 Corintios 3:17 - Tayta Diosninchi Isquirbichishan

¹⁷ Pipis Tayta Diospa templunta juchuchej cajtaga Tayta Diospis castigangami. Temploga Tayta Diosllapami. Gamcunami caycanqui Tayta Diospa templun.

1 Corintios 3:17 ပူးပေါင်းရင်းမြစ်များ

Génesis 28:17

Fiyupa manchacur niran: «Cay pachaga fiyupa rispitäduchaj. Cayga canaj Tayta Diospa wasinchaj, syëlupa puncunchaj.»

1 Crónicas 29:3

Templupaj shuntashäpa jananmanpis amatar rispitarmi Diosnëpaj goycö quiquëpa cajcunatapis: goritawan yuraj guellayta.

Salmos 74:3

Juchusha ragällan caycajta ricaj shamuy ari. ¡Chiquimajcunami Templuyquita illgächisha!

Salmos 79:1

¡Tayta Dios, mana rispitashoj runacunami marcayquiman yaycusha! Rispitädu Templuyquitami manacajman churasha. Jerusalentaga ushajpämi ragällanta cachaycusha.

Salmos 93:5

Tayta Dios, gammi estatutuyquicunata willaparayqui. Chaycunaga yäracuypämi caycan. ¡Santo Dios cashayquimi Wasiquita sumaj camarächin! ¡Tayta Dios gamga imaypis caycanquimi!

Salmos 99:9

¡Tayta Diosninchïta alabay-llapa! ¡Paypa rispitädu jirca puntancho gongurpacuy-llapa! ¡Tayta Diosga pasaypa santumi!

Éxodo 3:5

Niptin Dios niran: «Ama witimuychu. Llanguiquita jorguy. Caycashayqui pachaga fiyupa rispitädumi.»

Isaías 64:11

Unay awilöcuna adurashushayqui cuyayllapaj wasiquitapis nina ruparmi ushacurcusha. ¡Mas cuyayllapaj cajcunataga llapantami illgarachisha!

Ezequiel 43:12

Templupa laynenga caynömi caycan: Templu caycashanpa ñaupan pampacuna intëru cantun tumarej fiyupa rispitädumi canga.»

Ezequiel 5:11

«Noga Tayta Diosmi jurä: Rispitädu Templöta ganrachishpayqui fiyupa melanaypajcunata rurashayquimannömi nogapis mana cuyapaypa illgächishayqui. Manami perdunashayquichu.

Ezequiel 7:22

Chayno canga cay nasyunta noga cachaycuptëmi. Chaymi nogapaj sumaj cuyayllapaj caycaj rispitädu Templöta ganrachinanpäpis camacächishaj. Suwacuna shaycamushpanmi chayta ganrachenga.

Levítico 15:31

«Chaynömi gamcunaga Israel-masiquicunata willapanqui mana ganra cananpaj. Ganra caycar Tincuna Toldöman aywaptenga Tincuna Toldupis ganrami ricacongapaj. Chayno ganra caycar chayman aywajcunaga wañunmanmi.»

Levítico 20:3

Molocpaj wamranta rupachishpanga Tincunanchi Toldutami ganrachin, nogatapis manacajman churaman. Chaymi chayno ruraj runapa contran ricacur ushacächishäpaj.

Sofonías 3:4

Profëtayquicunaga carcaycan mana rispitacoj, engañacoj. Cüracunapis Tayta Diosta aduranan Templuta ganraycächin. Tayta Diospa laynincunatapis manami cumlinchu.

Números 19:20

Pipis ganra cashanpita mana limyuyaj runaga marcayquipita gargushami canga. Ganra cashpanga Toldötami ganrachin. Limyuyächicoj yacuwan mana chajchupasha cashpanga ganrallami canga.

1 Corintios 3:16

Gamcunaga ¿manachu musyanqui Tayta Diospa templun caycashayquita? ¿Manachu musyanqui gamcunacho Espíritu Santupis caycashanta?

1 Corintios 3:18

Chaymi sumaj tantiyacushun. May-jina yachaj carpis ama yachaj-tucushunchu. Chaypa ruquenga Tayta Diosninchi yarpashanta tantiyacushun. Chayrämi yarpaysapa cashunpaj.