1 Corintios 15:42 - Tayta Diosninchi Isquirbichishan

⁴² Chaynömi canga runa wañushanpita cawarimuptinpis. Muruta murushannömi pampasha cäga ushacanga. Cawarimoj cäga manami ushacanganachu.

1 Corintios 15:42 ပူးပေါင်းရင်းမြစ်များ

Génesis 3:19

Micunayquipäpis cangapaj südashayquiyaj aruptiquirämi. Chayno aruycällarmi wañunquipaj allpaman ticranayquicama. Allpapitami rurasha cashcanquipis. Chaymi cashgan allpaman cutinquipaj.»

Job 17:14

Pampacunä uchcutanami ‹gammi canqui taytä› nishaj. Curucunatanami ‹gammi canqui mamä pañë› nishaj.

Salmos 16:10

Wañojcuna pamparashanchöga ama cachaycamanquichu. ¡Sepultürachöpis ama cachaycunquichu acrashayquitaga!

Salmos 49:14

Chay runacunaga carcaycan michejta gatiraj uyshanömi. Wañuymi paycunataga pushacuycan wañojcuna caycashan cajman. Chaycho riccharcamuptin allita rurajcunami munaynincho chararanga. Chaychöga ima-aycanpis mananami canganachu. Sepultürallanami canga para-simri wasin.

Salmos 49:9

Runaga para-simri manami cawanchu. Runaga wañojllami.

Isaías 38:17

Rasunpaga quiquëpitami ñacaycunachöpis goyashcä. Gamga wañur illganäpitami salbamashcanqui. Gamga llapan juchäpitapis perdunamashcanquimi.

Daniel 12:3

Musyaj-yachaj runacuna allita yachachishpan willapajcunaga syëlu achicyashannörämi achicyaypa-achicyar carcaycangapaj. Para-simrimi goyllarcunano achicyaypa-achicyaycangapaj.

Mateo 13:43

Tayta Dios munashanno cawajcunami ichanga paypa ñaupancho car cushisha cawangapaj. Inti achicyashannörämi canga. Nishäta wiyaj cäga sumaj tantiyacuy.

Hechos 2:27

Wañojcuna pamparashanchöga ama cachaycamanquichu. ¡Acrashayquipa cuerpun ismunantaga manami dëjanquipächu!

Hechos 2:31

Chaymi Davidga unayna isquirbiran Tayta Dios cachamushan Cristutaga pamparashancho mana cachaycunanpaj, sepultürachöpis mana cachaycunanpaj.

Romanos 1:23

Chaymi imaycamapis cawaj munayniyoj Tayta Diosta adurananpa ruquenga runa-nirajcunata ruraycullar aduran. Chaynöpis aduran pärejcunatano ruraycur, uywacunatano ruraycur y garachaypa purejcunatano ruraycur.

Romanos 2:7

Tayta Diosninchi munashanno cawajcuna, allillata rurajcunaga Tayta Diospa ñaupanchömi imaycamapis cawanga.

Romanos 8:21

Tayta Dios jorgunantami shuyaraycan. Chaymi wamrancunata Tayta Dios shuntashan junäga llapan camashancunatapis mushojmanna ticrachenga.

1 Corintios 15:41

Intipis, quillapis, goyllarcunapis juc-niraj juc-nirajmi achicyan. Estrëllacunapis juc-niraj juc-nirajmi achicyan.

Gálatas 6:8

Juchata rurajcunaga juchanpitami castïguta chasquenga. Espíritu Santu munashanno cawajcunami ichanga Tayta Diospa ñaupanman chayanga.

1 Pedro 1:4

Chayno cananpaj captinmi musyanchi mana ismoj, mana ushacaj, ima ganrawanpis mana tacuraj erensyata chasquinanchïpaj cashanta. Chay erensyataga Tayta Diosninchïmi gamcunapaj caycächin.