1 Corintios 15:33 - Tayta Diosninchi Isquirbichishan

³³ Runacuna chayno nishantaga ama cäsupaychu. Rimay cashannöpis «Mana alli amïgucunaga alli runacunatapis pirdichinmi».

1 Corintios 15:33 ပူးပေါင်းရင်းမြစ်များ

Proverbios 13:20

Yachaj runacunawan goturarga yachaj caytami yachacunqui. Mana tantiyaj upacunawan goturarmi ichanga pirdicar mana allimanna chayanqui.

Proverbios 22:25

Chayno runacunawan goturarga mala-mäña caytami yachacunquipaj. Chayno carga quiquillayquimi cuncayquiman wascata churacuycanqui maticunayquipaj.

Proverbios 9:6

Ama ruraynachu mana allitaga. Chayrämi alli cawanquipaj. Yarpaysapa runano alli goyay» nir.

Mateo 24:11

Achcajmi llulla profëtacuna yurimongapaj. Achcajtami llullapaypa engañangapaj.

Mateo 24:24

Chay wichanga Cristo-tucojcuna, llulla profëtacuna yurimonga. Runacunata riguichinan cashami almiraypajcunata, milagrucunata ruranga. Chayno rurar Tayta Dios acrashan caj runacunatapis engañayta ashengami.

Mateo 24:4

Chaura Jesús niran: «Cuydä pipis engañashunquiman.

1 Corintios 5:6

Gamcuna alabacur mana allitami ruraycanqui. Chay runa allita ruraycashanta yarpar chasquiparga mana allitami ruraycanqui. ¿Manachu musyanqui «Wallca lebadürallami mäsata achcaman jacachin» nishanta?

1 Corintios 6:9

¿Manachu gamcuna musyanqui juchata ruraj runacunaga Tayta Diospa ñaupanman mana chayananpaj cashanta? Manami paypa ñaupanman chayangachu jucwan-jucwan cacojcuna, ïduluta adurajcuna, majanta jananpajcuna, ollgu-masinwan cacojcuna,

Gálatas 6:7

Tayta Diosninchïtaga manami pipis engañanmanchu. Payga musyaycanmi imano cawashayquitapis. Murupacushanpita shuntashannömi imanöpis cawashanpita Tayta Diosninchi jusganga.

Efesios 5:6

Chayno caycaptenga juchata ruranayquipaj pipis engañayta munashuptiqui ama cäsupaychu. Chayno mana allicunata rurashanpitami mana wiyacojcunataga Tayta Diosninchi fiyupa castiganga.

2 Tesalonicenses 2:10

Milagrucunata rurarmi Jesucristupa willacuyninta mana chasquicojcunata riguichenga Tayta Diosta adurananpa ruquenga payllatana adurananpaj. Chaymi alli runa cashanta yarpar cushisha chasquicongapaj.

Hebreos 12:15

Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.

2 Pedro 2:2

Llutan yachachicojcuna engañaptin chasquiparmi pengaypaj juchata ruranga. Chayta ricarmi pï-maypis Jesucristuman rasunpa yäracojcunataga manacajman churanga.

Apocalipsis 12:9

Chay dragonga caran dyablu nishan Satanasmi. Paymi llapan runacunata llutanta rurachej unay culebra caycan. Chaymi Satanasta llapan gatirajnincunatawan janaj pachapita gargamuran.