1 Corintios 15:29 - Tayta Diosninchi Isquirbichishan

²⁹ Ermänucuna, ¿imanirtaj yarpanqui wañushacuna mana cawarimunanpaj cashanta? Wañushacunata Tayta Diosninchi mana cawarachimunanpaj captenga ¿imapätaj wañojcunapa ruquin waquinniqui bautisacunquipis?

1 Corintios 15:29 ပူးပေါင်းရင်းမြစ်များ

Mateo 20:22

Chaura Jesusga niran: «Mañacaycämashayquita manami musyanquichu.» Nircur Juantawan Santiaguta niran: «Nogata fiyupa ñacachimänanpaj caycashanno ñacachishuptiqui ¿gamcunaga awantanquimanchuraj?» Niptin paycunaga niran: «Au, awantashämi.»

Mateo 3:6

Runacuna juchancunata reconösiptenga Juannami Jordán mayucho bautisaj.

1 Corintios 15:16

Wañojcuna mana cawarimunan captenga Jesucristupis manachari wañushanpita cawarimushachu.

1 Corintios 15:28

Chaura Jesucristupa maquinman Tayta Dios llapantapis churasha captinmi Jesucristupis Tayta Diospa maquinman llapanta cachayconga. Chaynöpami Tayta Diosninchi ima-aycatapis maquincho chararanga.

1 Corintios 15:30

Wañushacuna mana cawarimunanpaj captenga ¿imapätaj ñacarpis willacuycä?

1 Corintios 15:32

Efesuchöpis fiyu animalnömi runacuna chiquimar wañuchimayta munaran. Wañushacuna mana cawarimunan captenga ¿imapätaj chay-jina chiquishapis purëman? Wañushacuna mana cawarimunanpaj captenga waquin runacuna nishannöpis: «Micushun upushun, warami wañushunpis.»