1 Corintios 15:27 - Tayta Diosninchi Isquirbichishan

²⁷ Tayta Diospa palabranchöpis Jesucristupaj caynömi niycan: «Tayta Diosmi paypa maquinman llapanta churasha.» «Llapanta» nerga manami quiquin Diospäwanchu niycanchi. Chaypa ruquin Diosmi Jesucristupa maquinmanga llapanta churasha.

1 Corintios 15:27 ပူးပေါင်းရင်းမြစ်များ

Salmos 8:6

Camashayquicunapa duyñun cananpaj aunishcanqui. Camashayquicunapita mas munayniyoj cananpämi churashcanqui.

Daniel 7:14

Chaura paytaga mandaj cananpaj churaran. Paypa munayninmannami churaran llapan runata, llapan marcacunata, jäpa runacunata, juc-niraj rimajcunatapis. Llapan payllatana aduraycaran. Payga mandaj cayninpita imaypis manami llojshengapänachu. Pay mandashanga imaypis manami ushacangapänachu.

Mateo 11:27

Chaycho caycajcunatana niran: «Taytämi llapantapis munaynëman churamusha. Noga imano cashätapis taytallämi musyan. Pay imano cashantapis nogallami rejsë. Chaymi tantiyachishä cajcunalla musyan taytä imano cashantapis.

Mateo 28:18

Disïpuluncuna caycashanman witiycurna Jesús niran: «Tayta Diosga maquëman llapantami churasha cay pachacho cajtapis syëlucho cajtapis.

Juan 13:3

Jesusga musyaran papänin llapan ima-aycatapis paypa munayninman cachaparishanta. Chayno musyaran pay cajpita shamushanta y pay cajman cutinanpaj cashantapis.

Juan 3:35

Tayta Diosga wamranta cuyarmi paypa maquinman llapantapis cachapasha.

Efesios 1:20

Jesucristuta wañushanpita cawarircachimur syëlucho derëchu caj-lädunman jamachisha.

Efesios 1:22

Chaynöpami Tayta Diosninchëga llapantapis Jesucristupa maquillanmanna churar inlisyapapis umanno cananpaj churasha.

Hebreos 1:13

Tayta Diosga manami maygan anjiltapis nishachu: «Cay derëchu caj lädöman jamacuy llapan chiquishojcunata munayniquiman churanäcama» nir.

Hebreos 10:12

Jesucristumi ichanga juc cutilla wañusha runacunata juchanpita salbananpaj. Wañushanpita cawarircamur Tayta Diospa ñaupanmannami jamaycusha.

Hebreos 2:8

Cay pachacho cajtaga llapantapis runapa munaynincho cananpämi churashcanqui.» Chayno nerga llapantapis cay pachacho camashancunata runapa munaynillanmanmi churasha. Chayno captinpis manami ricanchïrächu runapa munaynincho llapan cashanta.

1 Pedro 3:22

Payga cawarircamur syëlumanmi cuticusha. Cananga Tayta Diosninchïpa derëchu caj-lädunchönami caycan. Chaychöga llapan anjilcunapis, munayniyojcunapis Jesucristupa munayninchönami caycan.

Apocalipsis 1:18

Nogaga imaypis cawaycämi. Wañuchimashanpita cawarimushcä imaycamapis cawanäpämi. Nogami charaycä wañushacunapa almancuna caycashan lläbita.