1 Corintios 14:16 - Tayta Diosninchi Isquirbichishan

¹⁶ Almallayquiwan Tayta Diosta alabaycashayquita juc runa wiyarga manami imata niycashayquitapis tantiyangachu. Gamcunawan iwal manami alabaytapis camäpacongachu.

1 Corintios 14:16 ပူးပေါင်းရင်းမြစ်များ

1 Reyes 1:36

Niptin Joiadapa wamran Benaiaga rayta niran: «Tayta ray, ¡nishayquino cumlishaj! Tayta Diospis chayno cananpaj munaycuchun.

1 Crónicas 16:36

¡Israelcuna rispitashan Tayta Diosga imay-yajpis alabasha cachun!» Llapan runacunapis «Chayno cachun» niran. Nircorga Tayta Diosta llapan alabaran.

Nehemías 5:13

Chayno nircur cäpäta tapsir nirä: «Jurashanta mana cumlej cajtaga wasinpita, ima-aycanpitapis Tayta Diosga tapsirichun. Chayno rurar ima aycayojpis caycajcunataga jinayllata cachaycuchun.» Chayno niptë llapan runacuna niran: «Au, gam nishayquino cachun» nir. Nircur llapan alabaran Tayta Diosta. Runacunaga aunishanno cumliran.

Nehemías 8:6

Esdrasga munayniyoj Tayta Diosta alabaran. Chaura llapan runacunapis ricrancunata jogarir «Amén, Amén» niran. Nircur llapan runacuna Tayta Diosta adurar gongurpacushpan umpuran urcunpis pampaman töpanancama.

Salmos 106:48

¡Israelcuna rispitashan Tayta Diosga imaycamapis alabasha cachun! ¡Llapanpis «Amén» nichun! ¡Aleluya! ¡Tayta Diosga alabasha cachun!

Salmos 41:13

Cananpis imaypis alabasha cachun Israelcunapa Tayta Diosnenga. Chayno caycullächun ari.

Salmos 72:19

Tayta Diosga imaycamapis alabasha caycuchun. ¡Cay pachachöga intërucho paylla rejsisha cachun! ¡Chayno caycuchun!

Salmos 89:52

Tayta Diosga imaycamapis alabasha cachun. ¡Chayno cachun!

Jeremías 11:5

Chaynöga willaparä unay aunishäta cumlinäpämi. Chay aunishäga caran mishquipis lëchipis yacunöraj aypalla cashan chacrata goycunäpaj cajmi. Chay chacrachömi canan gamcunapis tiyarcaycanqui.» Chaura nogaga «Nishayquino cachun ari Tayta Dios» nirä.

Jeremías 28:6

«¡Ima alliraj caycunman chayno captenga! ¡Ima alliraj caycunman gam nishayquinölla Tayta Dios llapanta camacaycachiptenga! ¡Ima alliraj caycunman Templupa cösancunata rasunpa cutichimuptin; Babiloniaman prësu apashan runacunapis cutimuptenga!

Números 5:22

Chayno castïguta chasquinquipaj castïguta chayachicoj yacuta upurmi.› Warminami ‹nishayquino cachun› nenga.

Mateo 15:36

Jamacuycuptinna ganchis tantata pescäduntinta aptarcur Jesusga Tayta Diosta mañacur agradësicuran. Nircurmi paquircur-paquircur disïpuluncunata raquiparan aypunanpaj. Chaura disïpuluncunanami runacunata aypuran.

Mateo 28:20

Gamcunata willapashä cajtaga wiyacunanpaj llapanta yachachinqui. Noganami gamcunata yan'gaycäshayquipaj cay pacha ushacänancamapis.»

Mateo 6:13

Jucha rurayman Satanás chayachimänanpitapis chapaycallämay ari. Masbin nogacunata yanapaycallämay juchaman mana chayayllapa cawanäcunapaj. [Gampa maquiquichömi ima-aycapis caycan. Chaymi imaycamapis alabasha caycullay Tayta. Amén.]

Marcos 16:20

Chaypita disïpuluncunaga may-chaychöpis Jesucristupa alli willacuyninta willacuran. Quiquin Tayta Jesucristunami yanaparan milagrucunatapis rurananpaj. Chayta ricarmi runacuna tantiyacuran chay willacushanga Jesucristupa willacuynin rasunpa cashanta. Amén.]

Juan 21:25

Jesusga ima milagrucunatapis achcatami rurasha. Llapa-llapanta isquirbishaga cay pachacho caj papilcunapis pishinmanmi. [Amén.]

Juan 7:15

Yachachishanta wiyaycur mandaj Israelcuna almirashpan niran: «Mana estudyasha caycar ¿imanöpataj tagay runaga fiyupa yachan?»

Hechos 4:13

Pedruwan Juan mana sumaj estudyasha caycarpis mana manchacuypa rimaptin autoridäcuna almiraran. Chaynöpami tantiyacuran Jesuspa apostulnincuna cashanta.

1 Corintios 11:24

Nircur Tayta Diosta agradësicurir tantata paquiran «Chariy. Micuy. Cay tantaga cuerpömi. Gamcuna-raycumi noga wañuchisha cashaj. Chayno ruray gamcuna-raycu wañuchimashanta yarpänayquipaj» nir.

1 Corintios 14:14

Mana tantiyashä rimaycho Tayta Diosta mañacushäga almallätami yanapaycan. Quiquëmi ichanga mana tantiyächu imata niycashätapis.

1 Corintios 14:2

Mana yachashan rimaycunallacho rimajcunaga manami runacunatachu parlapaycan. Chaypa ruquenga Tayta Diosninchïtami parlapaycan. Chaytaga runacuna manami tantiyanchu. Espíritu Santumi rimaycächin pipis mana musyashan rimaycunata.

1 Corintios 16:24

Jesucristuman yäracoj carmi llapaniquita cuyä. Amén.

2 Corintios 1:20

Jesucristuta cay pachaman cachamurmi Tayta Dios imata aunimashanchïtapis cumliran. Chaypitami cananga Tayta Diosta alabashpanchïpis «Amén, ¡chayno cachun!» ninchi.

Apocalipsis 22:20

Cay libruta isquirbinäpaj nogata tantiyachimaj Jesucristo nin: «Au, nogaga shamunäpänami caycä.» Chayno niptinmi «¡Amén. Nishayquino jucllana shaycallämuy Tayta Jesús!» niycä.

Apocalipsis 5:14

Chaura chuscu anjil-nirajcunaga «Amén, chayno cachun» niran. Ishcay chunca chuscu (24) mayur runacunapis ñaupanman gongurpaycur Tayta Diostawan Cashni uyshata aduraran.

Apocalipsis 7:12

«¡Amén! ¡Tayta Diosninchi alabasha cachun! ¡Payllami llapantapis musyan! ¡Imaycamapis payta agradësicushun! ¡Payllami llapanpäpis munayniyoj caycan! ¡Imaycamapis payta alabashun! ¡Amén!»