1 Corintios 13:9 - Tayta Diosninchi Isquirbichishan

⁹ Cananga runa imatapis janan-janallanmi musyan. Tayta Diosninchi tantiyachishancunatapis janan-janallanmi yachan.

1 Corintios 13:9 ပူးပေါင်းရင်းမြစ်များ

Job 26:14

Chayga ichicllata rurashan cajllami caycanpis. Raspilla wiyashallanchïmi caycanpis. ¿Piraj tantiyanman munayniyojpa räyun junrurumur imata nishantapis?»

Salmos 139:6

Chayno nogapaj musyashayquega fiyupa almiraypämi. Chaycunataga manami tantiyaytapis atipächu.

Salmos 40:5

Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.

Proverbios 30:4

¿Pitaj syëluman wichasha? ¿Syëlupita caymanpis pitaj urämusha? ¿Piraj llapan wayrata aptaranman? ¿Piraj lamar yacuta jacunwan guepinman? ¿Piraj camacächiran cay pachapa lindancunata? Llapan chaycunataga pipis rurashami canga. Quiquinta rejsir jutinta yachashpayquega mä willamay. Wamranpa jutintapis mä willamay.

Mateo 11:27

Chaycho caycajcunatana niran: «Taytämi llapantapis munaynëman churamusha. Noga imano cashätapis taytallämi musyan. Pay imano cashantapis nogallami rejsë. Chaymi tantiyachishä cajcunalla musyan taytä imano cashantapis.

Romanos 11:34

Paytaga ¿piraj «manami chaynöchu» nisha? U ¿piraj «caynömi ruranchi» nir yachachisha?

1 Corintios 13:10

Jesucristo shamunan junaj chayamuptinmi ichanga manaraj musyashanchïcunata llapantana musyachimäshun.

1 Corintios 13:12

Cananga mauca espëjuwan ricacojnöpis sumäga manarämi tantiyanchïrächu. Jesucristo shamunanpaj junaj chayamuptinmi ichanga quiquin Tayta Dioswanna tincushunpaj. Cananga pay imano cashantapis yanga-yangallami musyä. Chay junajmi ichanga pay rejsimashanchïnöna noganchïpis rejsishunpaj.

1 Corintios 2:9

Tayta Diosninchïpa palabranchöpis caynömi niycan: «Pipis mana ricashanta ni mana wiyashanta ni mana yarpashantami payta cuyajcunapäga Tayta Diosninchi camarisha.»

1 Corintios 8:2

Pipis «sumaj yachajmi cä» nir yarparga manarämi rasunpa yachananpaj cajta yachacunrächu.

Efesios 3:8

Tayta Diosman llapan yäracojcunapita mas mana bälej caycaptëpis Tayta Diosninchïmi cuyapämar acramasha mana Israel runacunaman Jesucristupa almiraypaj alli willacuyninta chayachinäpaj.

1 Juan 3:2

Cuyay ermänucuna, cananga Diospa wamranna carpis manami musyanchïrächu imano cananchïtapis. Ichanga musyanchïmi Jesucristo cutimushan junäga quiquin-niraj cananchïpaj cashanta. Paytaga rasunpa quiquintami ricashunpaj.