1 Corintios 11:24 - Tayta Diosninchi Isquirbichishan

²⁴ Nircur Tayta Diosta agradësicurir tantata paquiran «Chariy. Micuy. Cay tantaga cuerpömi. Gamcuna-raycumi noga wañuchisha cashaj. Chayno ruray gamcuna-raycu wañuchimashanta yarpänayquipaj» nir.

1 Corintios 11:24 ပူးပေါင်းရင်းမြစ်များ

Salmos 111:4

Fiyupa almiraypajcunata rurashantaga manami pipis gongangachu. Tayta Diosga alli shongumi y cuyapäcojmi.

Salmos 22:26

Umildicunaga sacsananyajmi miconga. Sirbiyta munaycajcunaga Tayta Diosta alabanga. Chaura para-simrimi cawangapaj.

Salmos 22:29

Pipis bïdantaga manami rantishachu. Chaymi munayniyojcunaga rispitar umpur Tayta Diosllata cay pachacho aduranga.

Éxodo 12:14

Chay junajta gamcunaga yarpanquipaj. Cada watacho chay junajmi rispitamar fistata ruranquipaj gamcunapaj alli rurashäta yarpänayquipaj. Chaynöllami gamcunapis gamcunapita mirajcunapis cada wata imaycamapis ruranquipaj.

Éxodo 28:12

Nircur chayta churanqui efod ishcan-lä umrunpa päsaränan cajman. Chaynöpami Aarón ñaupäman shamushpan juticuna isquirbiraycaj rumicunata apamonga. Chaycuna canga Israelpita mirajcunata noga yarpänäpämi.

Proverbios 9:5

«Camaricushä micuyta micunapaj shamuy. Rurashä bïnuta upunapaj shamuy.

Cantares 1:4

¡Pushacamay ari! ¡Raynillä, wasiquiman pushacamay ari! Gamwanga cushishami goyäshunpaj. Chaychönami yarpäshun cuyacuyniqui bïnupita mas alli cashanta. ¡Rasuntachari jipashcunaga cuyashunqui!

Cantares 5:1

Cuyaynë, majallä, wertächönami caycä. Maynami shuntashcäna mïrra perfümita, cuyayllapaj asyajcunatapis. Sërallanchöraj caycaj mishquitapis maynami yawashcäna. Lëchitawan bïnutapis maynami upushcä. Amïgöcuna, micuy, upuy. Gamcunaga, aycatapis gustashayquita upuy.

Isaías 25:6

Sión lömachömi munayniyoj Tayta Dios aypalla micuyta camarenga llapan nasyun runacunapaj. Chaychöga caycanga mishquej micuycuna, mas alli caj bïnupis.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Mateo 26:13

Sumaj musyay. Perfümita cay warmi wiñapämashantaga may-chaychöpis nogapaj willacushancho willacongami.»

1 Corintios 11:23

Santa Sënata Tayta Jesucristo rurashanta yachachimashallantami nogapis gamcunata yachaycächë. Wañuchinanpaj entreganan chacaymi Tayta Jesucristo tantata aptarcuran.

1 Corintios 11:25

Micuyta usharcurnami bïnuyoj cöpata aptarcur niran: «Cay bïnuwanmi mushoj conträtuta ruraycanchi. Yawarnëwanmi chay conträtu cumlicanga. Chaymi bïnuta uporga imaypis yarpanqui gamcuna-raycu wañushäta.»

Josué 4:7

ninquipaj: ‹Tayta Diospa babulninta Jordán mayuta chimpaycächiptinmi yacu chaquicäcuran. Jordancho imano cashantapis Israelcuna yarpänanpämi chay rumicunaga› nir.»