1 Corintios 10:5 - Tayta Diosninchi Isquirbichishan

⁵ Chayno captinpis Tayta Diosninchïta achcajmi mana wiyacuranchu. Chaypitami paycunaga chunyaj jircacho wañusha mashtarpaycar quëdaran.

1 Corintios 10:5 ပူးပေါင်းရင်းမြစ်များ

Salmos 106:26

Chaymi Tayta Diosga juraran chunyajcho llapan wañunanpaj.

Salmos 90:1

Tayta Dios, unaypita-pachapis gamllami pacacunä cashcanqui.

Salmos 95:11

Chaypitami rabyar nirä: ‹Jamayta tarinanpaj aunishämanga manami yaycuchishächu› nir.»

Ezequiel 20:36

Imanömi Egipto chunyajcho taytayquicunata jusgarä, chaynömi jusgashayquipaj. Noga Tayta Diosmi chayno në.

Números 14:22

Egiptucho, chunyaj jircacho milagrucunata rurashäta ricajcunaga manami ni jucnayllapis ricangachu unay famillyancunata aunishä nasyunta. Paycunaga quiquin munashanta rurachimayta munashpanmi yaparir-yaparir mana wiyacamashachu. Chayno rabyachimajcunaga manami mayganpis chay nasyunta ricangachu.

Números 14:37

Chaypitami llullacuypa willajcunaga Tayta Diospa ñaupancho castïguwan wañuran.

Deuteronomio 2:14

«Cades-barneapita llojshimushanchïpita-pacha Zered mayu-mallwata päsamushanchi junajyaj caran quimsa chunca pusaj (38) watana. Chaypänaga noganchïcho guërrapaj sinsusha caj runacuna Tayta Dios nishannömi wañushana caran.

Hebreos 3:17

¿Picunapätaj Tayta Diosga chuscu chunca (40) watantin rabyasha cacuran? Mana riguishpan juchata rurajcunapämi. Chay juchayojcunaga chunyajcho puriycällarmi wañuran.

Judas 1:5

Gamcuna musyarpis sumaj yarpay. Israel runacunata Egipto nasyunpita Tayta Diosninchi jorgarcamurpis payta mana wiyacojcunataga ushariranmi.