Zacarías 5:3 - Q'eqchi Bible

³ Toja' naq kixye we: “A'an li majewank xchalk sa' xb'een chixjunil li na'ajej a'in, jo' chanru tz'iib'anb'il sa' xka'pak'alil li hu. Xb'aan naq chixjunil laj elq' taa'isiiq arin, ut chixjunil li nayehok jurament sa' tik'ti' jo'kan ajwi' tixk'ul.

Li Santil hu

³ Ut aꞌan quixye cue: —Li cꞌaꞌru tzꞌi̱banbil chiru li hu aꞌin, aꞌan retalil nak ac xteneba̱c li tojba ma̱c saꞌ xbe̱neb chixjunileb li cuanqueb saꞌ ruchichꞌochꞌ. Jun pacꞌal tzꞌi̱banbil nak eb li nequeꞌelkꞌac teꞌxcꞌul li tojba ma̱c. Ut saꞌ li jun pacꞌal chic tzꞌi̱banbil nak eb li nequeꞌxpatzꞌ xcꞌabaꞌ li Dios chi ma̱cꞌaꞌ rajbal teꞌxcꞌul ajcuiꞌ li tojba ma̱c. Ma̱ jun reheb teꞌcana̱k chi incꞌaꞌ teꞌxcꞌul li tojba ma̱c.

Zacarías 5:3 ပူးပေါင်းရင်းမြစ်များ

Éxodo 20:15

“Mat-elq'ak.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 43:28

Jo'kan naq kinsach ruheb' li xjolomileb' li tenamit, kink'e chi sache'k laj Jakob chi junajwa ut kinq'axtesi laj Israel chi majewaak.

Isaías 24:6

Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

Santiago 5:12

Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq, re naq ink'a' taachalq raqb'a aatin sa' eeb'een.

Malaquías 4:6

A'an taasutq'isinq re li xch'ooleb' li na'b'ej yuwa'b'ej rik'ineb' li ralal xk'ajoleb', ut li xch'ooleb' li alalb'ej rik'ineb' li xna' xyuwa'eb', re naq wanqeb' sa' tuqtuukilal. Chi jo'kan ink'a' tolinsach chi junajwa li ruuchich'och'”, chan li Nimajwal Yos.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Jeremías 5:2

Wankeb' neke'xpatz' xk'ab'a' li Qaawa' sa' jurament, ab'anan moko neke'xb'aanu ta li neke'xye”.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

1 Timoteo 1:9

ak ch'olch'o chiqu naq li Chaq'rab' moko k'eeb'il ta cho'q reheb' li tiikeb' xch'ool, reheb' b'an li ink'a' neke'raj ab'ink ut aj q'etoleb' aatin, reheb' ajwi' li ink'a' useb' xna'leb' ut aj maakeb', eb' li ink'a' neke'xpaab' li Yos ut aj muxuneleb' paab'aal, eb' li neke'xkamsi xna' xyuwa' malaj ras riitz'in,

Efesios 4:28

Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.

San Lucas 21:35

kama' jun li kanleb'. Xb'aan naq taachalq sa' xb'eeneb' chixjunil li wanqeb' junsut junrub'el choxa.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Zacarías 8:17

minume'k kach'inaq sa' leech'ool xb'aanunkil li rahilal reheb' leeras eeriitz'in, chi moko chexyehoq jurament sa' tik'ti', xb'aan naq jwal xik' nawil chixjunil a'in, chan li Qaawa'”.

Oseas 4:2

Neke'yehok jurament ut ink'a' neke'xb'aanu li k'aru neke'xye; k'ajo' li tik'ti'ik, li kamsink poyanam ut li elq'ak, numtajenaq li muxuk sumlaak ut li raaxiik', ut junelik aj chik wank li kamsij ib'.

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.

Jeremías 7:9

Nekex'elq'ak, nekekamsi leeras eeriitz'in, nekexmuxuk sumlaak, nekexyehok jurament sa' tik'ti', nekexmayejak chiruheb' laj Bahal ut nekeloq'oni ruheb' li yos ink'a' eenawomeb' ru.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.

Proverbios 3:33

Li xmajewahom li Qaawa' wank sa' rochoch li naxb'aanu li maa'usilal; ab'an osob'tesinb'il li xjunkab'al li tiik xch'ool.

Levítico 19:11

“Mex'elq'ak. Mextik'ti'ik chi moko cheb'alaq'i eerib' cherib'il eerib'.

Amós 3:10

Li Qaawa' kixye chi jo'ka'in: “Eb' a'an ink'a' neke'xb'aanu li tiikilal, ut neke'xnujob'resi li rochocheb' rik'in li k'aru xe'relq'a naq xe'xrahob'tesi eb' li ras riitz'in”.

Josué 9:20

Maak'a' naru tqab'aanu reheb', re naq ink'a' taachalq xjosq'il li Yos sa' qab'een sa' xk'ab'a' li jurament xqaye”, chankeb'.

Ezequiel 2:9

Toja' naq kiwil jun li uq'ej ye'yo chiwu, yo chi xk'eeb'al we jun li b'otb'ookil hu tz'iib'anb'il chi xka'pak'alil ru. Ut kixte li hu chiwu: aran tz'iib'anb'il junes rahilal, yaab'ak ut rahil ch'oolej.