Tito 3:7 - Q'eqchi Bible

⁷ re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

Li Santil hu

⁷ Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

Tito 3:7 ပူးပေါင်းရင်းမြစ်များ

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

Romanos 3:24

Ab'anan neke'xmaatani xtiikob'resinkil xch'ooleb' xb'aan rusilal li Yos, rik'in li kolb'a ib' wank sa' xk'ab'a' li Kristo Jesus.

Tito 2:11

Xb'aan naq ak xk'utunk li xnimal rusilal li Yos chiruheb' chixjunil:

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Gálatas 2:16

Ab'an naqanaw naq maa'ani natiikob'resiik xch'ool rik'in xb'aanunkil li naxye li xChaq'rab' laj Moisés, ka'aj b'an wi' rik'in xpaab'ankil li Jesukriist. Jo'kan naq laa'o ajwi' xqapaab' li Kristo Jesus re taatiikob'resiiq qach'ool chiru li Yos rik'in xpaab'ankil li Kriist ut maawa' rik'in xb'aanunkil li naxye li Chaq'rab', xb'aan naq maa'ani taatiikob'resiiq xch'ool rik'in xb'aanunkil li naxye li Chaq'rab'.

Romanos 11:6

Wi ut sa' xk'ab'a' li rusilal, a'an maawa' chik sa' xk'ab'a'eb' xb'aanuhom; wi ta ink'a' jo'kan, li usilal maawa' raj chik usilal.

Gálatas 3:29

Ut wi rehex li Kriist, laa'ex riyajilex laj Abrahán chi jo'kanan, aj eechaninelaqex jo' chanru yeechi'inb'il chaq xb'aan li Yos.

Romanos 4:16

Jo'kan naq chixjunil na'uxk sa' xk'ab'a' li paab'aal re naq k'ulb'ilaq yal chi maatan, ut li xyeechi'om li Yos xaqxooq xwankil cho'q reheb' chixjunil li ralal xk'ajol laj Abrahán: moko ka'aj ta wi' cho'q reheb' laj paab'anel Chaq'rab', reheb' aj b'an wi' li wankeb' xpaab'aal jo' laj Abrahán li qayuwa' chiqajunilo,

Romanos 3:28

Xb'aan naq ch'olch'o chiqu naq li winq natiikob'resiik xch'ool xb'aan li paab'aal, chi maak'a' xb'aanuhom li xChaq'rab' laj Moisés.

1 Pedro 3:7

Jo'kan ajwi' laa'ex b'eelomej, chexwanq sa' xyaalal rik'in leerixaqil, xb'aan naq q'axal q'uneb' chik xch'ool cheru laa'ex. Cheroxloq'iheb' xb'aan naq te'xmaatani li Yu'am, kama' ajwi' teereechani laa'ex. Wi teeb'aanu a'in, maak'a' k'aru taat'iloq eere sa' leetij.

Hebreos 11:9

Sa' xk'ab'a' li xpaab'aal kiq'axonk sa' li ch'och' yeechi'inb'il chaq ut kib'eek jo' aj numel sa' ab'l aj ch'och'; kiwank sa'atqeb' li muheb'aal, jo' ajwi' ke'wank laj Isahak ut laj Jakob, a'aneb' te'reechani ajwi' li xyeechi'om li Yos.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Hebreos 6:17

Li Yos kiraj xk'utb'al chi tz'aqal yaal chiruheb' li te'eechaninq re li xyeechi'om, naq ink'a' taach'inanq xch'ool chirix li k'aru kixk'uub' chaq. Jo'kan naq ki'aatinak rik'in jurament,

Gálatas 4:7

Jo'kan naq maawa'at chik aj loq'b'il k'anjel, laa'at b'an alal k'ajolb'ej; ut wi laa'at alalb'ej, laa'ataq aj eechaninel sa' xk'ab'a' li Yos.

Romanos 4:4

Wi ani yo chi k'anjelak ut naxk'ul xtojb'al, a'in ink'a' nak'ehe'k re yal jo' xmaatan, ak re aj b'an wi' naq naxk'ul.

Tito 2:13

Yooko chi xyo'oninkil naq tixk'utb'esi rib' li xloq'al li Kristo Jesus, a'an li qaNimajwal Yos ut aj Kolol qe, li qasahilal ut qoyb'enihom.

San Mateo 25:34

“Toja' naq li Rey tixye reheb' li wanqeb' sa' xnim uq': «Kimqex laa'ex, osob'tesinb'ilex xb'aan linYuwa'! Eechanihomaq li nimajwal wankilal kawresinb'il cho'q eere chalen chaq sa' xk'ojlajik li ruuchich'och'.

San Marcos 10:17

Ak yo chi elk li Jesus, xik raj re, naq kichalk jun li winq sa' aanil, kolxwiq'ib' rib' chiru ut kixpatz' re: —At chaab'il aj Tzolonel, k'aru tinb'aanu re naq tweechani li junelik yu'am?

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?