Tito 3:3 - Q'eqchi Bible

³ Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Li Santil hu

³ La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

Tito 3:3 ပူးပေါင်းရင်းမြစ်များ

Colosenses 1:21

Junxil laa'ex najtex chaq rik'in li Yos ut xik' nekeril A'an, xb'aan leek'a'uxl ut leeyib' aj b'aanuhom.

Romanos 6:17

Ab'anan, b'anyox re li Yos, laa'ex li xexwank chaq cho'q moos re li maak, xepaab' chi anchal eech'ool leechaab'il tzolb'al li xexq'axtesiik wi';

Colosenses 3:7

Jo'ka'in ajwi' keb'aanu laa'ex junxil, naq toj wankex chaq sa'eb' li maak a'in.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

1 Pedro 1:14

Jo'qex li alal k'ajolb'ej neke'paab'ank, meek'e chik eech'ool chirix li xerahi chaq ru junxil naq toj wankex chaq sa' xmajelal leena'leb'.

Proverbios 9:6

Kanab'omaq li xmajelalil eena'leb', ut taawanq eeyu'am; taaqehomaq xb'ehil li seeb'al k'a'uxl”.

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

San Juan 8:34

Li Jesus kixsumeheb' ut kixye: —Relik chi yaal ninye eere: yalaq ani nab'aanunk re li maak, a'an eechaninb'il naq wank.

San Mateo 21:29

Ut a'an kixye: «Ink'a' nawaj». Ab'an moqon chik kiyot'e'k xch'ool ut koho.

Salmos 36:2

Li ink'a' us xna'leb', a' li maak na'aatinak sa' xchamal li xch'ool; tik ink'a' naxxiwa ru li Yos.

Santiago 1:26

Wi ani naxk'oxla rib' naq tz'aqal aj paab'anel ut ink'a' naxq'us li ru'uj raq', a'an naxb'alaq'i rib' xjunes, ut li xpaab'aal maak'a' rajb'al.

Gálatas 6:3

Wi wank junaq li naxk'oxla rib' naq nim xwankil, chi maak'a' xwankil, a'an yo chi xb'alaq'inkil rib' xjunes.

San Lucas 21:8

Kichaq'ok li Jesus ut kixye reheb': “Chek'ehaq reetal, meek'e eerib' chi b'alaq'iik. Xb'aan naq naab'aleb' te'chalq ut te'roksi link'ab'a': «Laa'inin», cha'qeb'; jo'kan ajwi': «Li xq'ehil ak nach' wank», cha'qeb'. Mexxik chirixeb'.

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Isaías 44:20

Relik chi yaal naq eb' li poyanam a'an neke'xkawu xch'ooleb' chirix li maak'a' na'ok wi', ut neke'xb'alaq'i rib'eb'. Maajoq'e te'ruhanq chi xkolb'al rib'eb' chi moko te'xye: “Tik'ti' tz'aqal li k'aru wank sa' linnim uq'”.

Abdías 1:3

Li xq'etq'etil laach'ool xatxb'alaq'i. Wankat sa' xyanqeb' li saqoonak ut chiru tzuul nakayiib' laamuheb'aal; jo'kan naq xaye sa' laach'ool: «Ani tkutuq we chi ch'och'?», chankat.

Proverbios 8:5

Ex saaj al li maak'a' eena'leb' ut jipex, tzolomaq li chaab'il na'leb' ut li seeb'al k'a'uxl.

Romanos 6:6

Naqanaw naq li qanajteril yu'am kik'ehe'k chiru krus rochb'een li Kriist, re naq chisache'q xwankil li qakamenaqil na'leb' ut ink'a' chik took'anjelaq chiru li maak.

Romanos 6:12

Jo'kan utan miwank chik xwankil li maak sa' leech'och'el sululel, meeb'aanu chik li k'aru naxrahi li tz'ejwalej.

Romanos 11:30

Jo' naq laa'ex junxil ink'a' kepaab' chaq li Yos ut anaqwan wankex chik sa' li ruxtaan xb'aan li xq'etb'a aatineb' laj Judiiy,

2 Timoteo 3:6

Sa' xyanqeb' a'an wankeb' li neke'xch'ik rib' chire kab'lal ut neke'xchap eb' li mem aj ixq q'axaleb' aj maak, nachiq'chotk li xch'ooleb' xb'aan xrahinkil ru chixjunil li k'a'aq chi maa'usilal.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Tito 1:16

Neke'xye naq neke'xnaw ru li Yos, ut rik'in li xb'aanuhomeb' neke'xk'ut naq ink'a'; tz'i'b'eetaleb' ru, aj q'etol aatineb', ut maak'a' junaq chaab'il k'anjel truuq te'xb'aanu.

Tito 2:12

naxk'ut chiqu xtz'eqtaanankil li maa'usilal ut li narahimank ru sa' ruuchich'och', sa' xyaalal b'an chiwanq li qayu'am, sa' tiikilal ut paab'ank sa' li ruuchich'och' a'in.

Génesis 38:9

Laj Onán naxnaw naq eb' li ralal taawanq moko rehaqeb' ta; jo'kan naq, jo'q'e nawark rik'in li rech'alal, naxhoy sa' ch'och' li riyajil re naq ink'a' te'wanq ralal xk'ajol li ras.

Génesis 39:16

Li ixq kixsoq'ob' li raq' laj José chi xk'atq toj reetal kisutq'iik chaq li xb'eelom sa' kab'l.