Tito 3:2 - Q'eqchi Bible

² Me'xhob' anihaq, maawa'aqeb' aj yoob'anel ch'a'ajkilal, q'unaqeb' b'an xch'ool ut che'wanq tz'aqal sa' tuulanil chiruheb' chixjunil.

Li Santil hu

² Ut chaye ajcuiꞌ reheb nak incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcuechꞌi̱nk. Kꞌunakeb ban xchꞌo̱l ut cha̱bilakeb. Ut cheꞌcua̱nk saꞌ usilal riqꞌuineb chixjunileb li ras ri̱tzꞌin.

Tito 3:2 ပူးပေါင်းရင်းမြစ်များ

Efesios 4:31

Chixjunil li k'ahink, josq'il, po'ok ch'oolej, choqink, majewank isinb'ilaq taxaq eerik'in, jo' ajwi' chixjunil li maa'usilal.

Efesios 4:2

q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok,

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

1 Pedro 3:10

Naxye li Santil Hu: “Wi ani traj xraab'al li xyu'am ut wank chi sahaq sa' xch'ool, mi'aatinak yib' aj aatin chi moko tixye b'alaq'il aatin rik'in xtz'uumal re;

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

Santiago 4:11

Ex was wiitz'in, meewech' eerix cherib'il eerib'. Ani naxwech' rix junaq ras riitz'in malaj naraqok aatin chirix li rech aj paab'anelil, naxwech' rix li Chaq'rab' ut naraqok aatin sa' xb'een li Chaq'rab'; ut wi nakaraq aatin sa' xb'een li Chaq'rab', maawa'at chik aj paab'ahom re, aj raqolat b'an chik aatin sa' xb'een li Chaq'rab'.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

2 Samuel 22:36

“Laa'at nakattenq'ank we ut nikinaakol jo'kat jun koleb' ch'iich'; rik'in xnimal aawuxtaan nintaw xkawub' linch'ool.

Gálatas 6:1

Ex was wiitz'in, wi wank junaq taat'ane'q sa' junaq maak, laa'ex li nujenaqex chi musiq'ej chetenq'a re naq tixyiib' li xyu'am; ab'an chetenq'a sa' tuulanil, ut chak'e reetal chi us laayu'am, mat-aaleek ajwi' laa'at.

1 Timoteo 3:11

Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

1 Ts 2:7

Us ta xru raj xqaxaqab' qawankil xb'aan naq laa'o x'apóstol li Kriist, ab'anan xoowank sa' q'unil sa' eeyanq, jo' jun na'b'ej naxraheb' li ralal xk'ajol.

Filipenses 4:5

Li xtuulanil eech'ool chik'utunq chiruheb' chixjunil. Li Qaawa' ak nach' wan chaq.

1 Corintios 9:19

Relik chi yaal, us ta wankin chi ach'ab'anb'il ut maa'ani aj eechal we, ab'an xink'e wib' cho'q moos chiru chixjunileb', re reechaninkil jo'k'ihal tinruhanq reechaninkil.

Salmos 140:11

Chichalq ta lochlookil ru xam sa' xb'eeneb', ut che'sub'e'q ta sa' xchamal li jul b'arwi' ink'a' chik te'ruuq chi wakliik.

2 Corintios 12:20

Relik chi yaal naq yo inxiw: mare anchal tinwulaq eerik'in chi ink'a' toxexintaw jo' nawaj laa'in, chi moko tineetaw laa'ex jo' chanru raj teeraj. Mare toxintaw jachok ib', kaqalink, josq'il, wech'ij ib', q'ab'ank, molok aatin, q'etq'etil, po'oj ib'.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

Hechos 23:5

Kichaq'ok laj Pablo ut kixye: —Ex was wiitz'in, ink'a' xinnaw naq a'an ta li xyuwa'il aj tij, xb'aan naq tz'iib'anb'il: «Maamajewa li xb'eenil laatenamit».

Proverbios 25:24

Jwal us li wank sa' kuukil ochoch chiru li wank sa' chaab'il kab'l rochb'een junaq josq' aj ixq.

Proverbios 6:19

li q'ab'ank sa' li raqleb'aal aatin ut li yoob'ank raaxiik' sa' xyanqeb' li tenamit.

San Judas 1:10

A'ut eb' a'in neke'xmajewa li k'a'aq re ru li ink'a' neke'xnaw, toj reetal neke'q'aak chisa' li k'aru nareek'a li tz'ejwalej, jo'keb' li xul maak'a'eb' xna'leb'.

San Judas 1:8

Jo'kaneb' ajwi' li winq a'in: us ta neke'xnaw chixjunil li kik'ulmank, ab'anan neke'xmux li xtz'ejwaleb', xb'aan naq aj matk'eb'; neke'xtz'eqtaana li x'awab'ejihom li Qaawa' ut neke'xmajewaheb' li wankeb' xloq'al.

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

1 Pedro 4:4

Jo'kan naq eb' a'an neke'sachk xch'ool chi rilb'al naq maawa'ex chik jun chi okenk chirixeb' sa' li xmaa'usilaleb', k'ajo' naq yookeb' chehob'b'al:

1 Corintios 6:10

eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Proverbios 19:19

Li q'axal najosq'o'k tixk'ul xq'ajkamunkil; wi taakuy xmaak, taak'ayq xb'aanunkil.